Santiago Freire
José Santiago Freire Abeijón, nado en Carantoña, na parroquia de Tállara (Lousame) en 1967, é un veterinario e político galego do PPdeG, que foi alcalde de Lousame e na actualidade é o alcalde de Noia.
| Santiago Freire | |
|---|---|
 | |
| Nacemento | 1967 |
| Lugar de nacemento | Carantoña |
| Nacionalidade | España |
| Ocupación | político |
| [ editar datos en Wikidata ] | |
TraxectoriaEditar
Estudou o bacharelato no Instituto de Noia e Veterinaria na Facultade de León. Exerceu como veterinario no ámbito privado e acadou unha praza de inspector de Saúde Pública. Nas eleccións municipais de 2003 encabezou a candidatura do PPdeG no concello de Lousame, conseguindo a alcaldía grazas ao apoio dunha concelleira independente, desbancando ao PSdeG-PSOE que levaba gobernando o concello dende as primeiras eleccións democráticas. Nas sucesivas eleccións de 2007 e 2011 acadou a maioría absoluta. En setembro de 2012 renunciou á alcaldía para formar parte da candidatura do PPdeG para eleccións autonómicas do 21 de outubro de 2012, nas cales resultou elixido deputado no Parlamento de Galicia.
Nas eleccións municipais de 2015 encabezou a candidatura do PPdeG, pero neste caso á alcaldía de Noia. A súa candidatura non obtivo a maioría absoluta e quedou na oposición durante uns meses, ata que en febreiro de 2016 e grazas a unha moción de censura co apoio de Noieses Independientes Agrupados (NO.I.A) accedeu ao posto de alcalde.[1]. Nas eleccións municipais de 2019 acadou de novo a alcaldía.[2]
| Predecesor: José Ramón Vidal Castelo |
 Alcalde de Lousame 2003 - 2012 |
Sucesor: Teresa Villaverde Pais |
| Predecesor: Miguel Paz Barreiro |
 Alcalde de Noia 2016 - actualidade |
Sucesor: no cargo |
NotasEditar
- ↑ Santiago Freire, do PP, xa é o alcalde de Noia, La Voz de Galicia, 17/02/2016.
- ↑ Concello de Noia na FEGAMP