Sandra Faber
Sandra Moore Faber, nada en Boston (Estados Unidos) o 28 de decembro de 1944, é unha física e doutora en astronomía dedicada ao estudo da formación e evolución das galaxias, e da evolución da estrutura do universo. Ademais traballa como profesora Universitaria en Astronomía.[1][2] É coautora da relación Faber-Jackson.[3][4]
.png)
Traxectoria editar
Estudou a licenciatura en física na Universidade de Swarthmore e recibiu o seu grao en 1966, logo continuou a súa carreira cun doutoramento en astronomía por Harvard en 1972.[2][5] A partir dese ano comezou o seu traballo no Observatorio Lick da Universidade de California, en Santa Cruz (UCSC).[1] Dúas das súas grandes contribucións son a instalación do Observatorio Keck en Hawai, así como formar parte do equipo de deseño do Wide-Field Camera do telescopio espacial Hubble, e mesmo axudou a identificar un problema na lente do Hubble que puxo en risco o seu uso xa que as fotos saían con aberracións esféricas.[2][6][7] O seu traballo tivo grande influencia sobre a teoría do Big Bang. É recoñecida no seu campo polas súas achegas ao deseño e uso de grandes telescopios.[6]
A Relación Faber-Jackson, desenvolvida en colaboración con Robert Jackson no Observatorio Lick, relaciona o tamaño das galaxias elípticas coas velocidades orbitais internas das estrelas que as compoñen.[6] É unha lei do movemento das galaxias e proporcionou unha fórmula para determinar a distancia das galaxias.
En 1984 escribiu xunto a John Gallaher un artigo expoñendo que as galaxias estaban rodeadas de enormes nubes de materia sen luz, fría e invisible, denominada materia escura. Tiñan a hipótese de que as galaxias foran formadas a partir desta materia, o cal apoia o punto de vista de que o universo está constituído de materia quente formada por neutrinos.
Faber tamén formou parte do grupo de científicos (coñecidos como os sete samuráis) que identificou o "Gran Atractor", unha concentración de galaxias cuxa forza gravitacional afecta a unha zona de 100 millóns de anos luz, o cal parece contradicir o modelo expansionista do universo.
Entre os proxectos nos que participou, axudou a crear o proxecto CANDELS, que foi a mostra estatística máis grande que tomou o telescopio Hubble do universo.[1]
É a investigadora principal do proxecto DEIMOS (Deep-Imaging Multiobject Spectrograph).[2][8]
É membro do núcleo do proxecto DEEP (Deep Extragalactic Evolutionary Probe), un estudo a grande escala de galaxias de campo distantes e débiles utilizando os telescopios xemelos Keck e o telescopio espacial Hubble.[2][9]
Actualmente dedica o seu tempo de traballo no Lick Observatory.[6]
Premios e recoñecementos editar
Na súa traxectoria recibiu numerosos premios e recoñecementos, entre eles:
- Medalla Nacional de Ciencia.[1]
- Franklin Institute's Bower Award.[10]
- Prize for Achievement in Science.[10]
- Russell Prize of the American Astronomical Society.[10]
- Medalla Bruce da Sociedade Astronómica do Pacífico.[6][10]
- 2016ː Medalla da Academia de Ciencia de California.[1]
- 2016ː Doutoramento honorario pola Amherst College.[10]
- 2017: Premio Gruber de Cosmoloxía[11]
Notas editar
- ↑ 1,0 1,1 1,2 1,3 1,4 "Astronomer Sandra Faber awarded California Academy of Sciences Fellows Medal" (en inglés). Consultado o 15 de marzo de 2017.
- ↑ 2,0 2,1 2,2 2,3 2,4 "Professor Sandra M. Faber" (en inglés). Consultado o 8 de marzo de 2017.
- ↑ "Sandra Faber: Decoder of galaxies" (en inglés). Consultado o 19 de marzo de 2017.
- ↑ "Sandra M. Faber, astrónoma". Mujeres con ciencia (en castelán). 2016-12-28. Consultado o 2020-04-09.
- ↑ "Sandra Faber CV" (PDF) (en inglés). Consultado o 8 de marzo de 2017.
- ↑ 6,0 6,1 6,2 6,3 6,4 "Los Gatos and Saratoga: Sandra Faber has helped to build and use some of the world’s largest telescopes" (en inglés). Consultado o 17 de marzo de 2017.
- ↑ "How the Hubble Telescope cheated death". nature.com (en inglés). Consultado o 19 de marzo de 2017.
- ↑ "DEIMOS DEep Imaging Multi-Object Spectrograph" (en inglés). Consultado o 8 de marzo de 2017.
- ↑ "DEEP Core Members" (en inglés). Consultado o 8 de marzo de 2017.
- ↑ 10,0 10,1 10,2 10,3 10,4 "Astronomer Sandra Faber to receive honorary degree from Amherst College" (en inglés). Consultado o 16 de marzo de 2017.
- ↑ Premio Gruber de Cosmología 2017