San Lourenzo, Coruxo, Vigo

San Lourenzo
Parroquia	Coruxo
Concello	Vigo
Coordenadas	42°11′33″N 8°46′13″O / 42.192475061423, -8.7701739954226
Poboación	69 hab. (2022)
	[ editar datos en Wikidata ]

Para outras páxinas con títulos homónimos véxase: San Lourenzo.

San Lourenzo é un lugar da parroquia de Coruxo no concello pontevedrés de Vigo, na comarca de Vigo.^[1] Segundo o IGE,^[2] en 2022 tiña 69 habitantes (28 homes e 41 mulleres).

Celebracións

Neste lugar celébranse as festas de San Lourenzo do 9 ao 11 de agosto, aínda que tradicionalmente só se celebraba a véspera (día 9) e o día grande (10).

Patrimonio

No torreiro das festas atópase a ermida de San Lourenzo. Descoñécese a súa antigüidade aínda que probablemente fose construída antes do século XVIII, pois xa hai atestacións desa época co nome de Lugar de San Lourenzo. No muro do lateral esquerdo consérvase unha inscrición bastante ilexible enriba da fiestra.

O castro de San Lourenzo é un antigo poboado fortificado, do que se conservan un foxo e un forte desnivel a modo de protección.

O Penedo é un promontorio coroado cunha gran fraga con varios gravados e pozas, como o Pozo de San Lourenzo, que expertos^[quen?] relacionan cun lugar de sacrificios precristiáns. Segundo esta teoría, deitaríase o corpo sobre a parte alta do penedo e o sangue correría por dúas canles escarvadas na rocha ata chegar ao pozo.^{[Cómpre referencia]}