Samba Martine
Samba Martine, nada na República Democrática do Congo en 1977 e finada Madrid, España o 19 de decembro de 2011[1] foi unha emigrante morta tras o seu internamento no Centro de Internamento de Estranxeiros (CIE) de Aluche, en Madrid. A polémica do seu caso contribuíu a que a existencia e as condicións dos CIE ocupara un lugar mais visible no debate público en España.[2]
| Biografía | |
|---|---|
| Nacemento | 1977  República Democrática do Congo |
| Morte | 19 de decembro de 2011 (33/34 anos) |
Biografía editar
Martine chegou a Melilla en agosto de 2011. Á súa chegada, entrou no CETI (Centro de Estancia Temporal de Inmigrantes). Permaneceu alí tres meses, ata o 12 de novembro, cando, por sobreocupación do CETI, a trasladaron ao CIE (Centro de Internamento de Estranxeiros) de Aluche, en Madrid, coa intención de expulsala do Estado. Neste CIE identificáronma cun número: o 3106.[3]
Denuncia editar
O seu caso é unha das denuncias que internas e internos, activistas, organizacións e colectivos de apoio realizan ante a existencia e condicións destes centros. En particular, critican que Samba Martine non fora diagnosticada nin recibira a atención médica adecuada a pesar do número de veces que a solicitou.
Segundo o informe do servizo médico do CIE, elaborado tras o seu pasamento, refiren ata 10 visitas da muller precisando asistencia. No informe só consta que nunha destas visitas, levada a cabo o 14 de decembro, estivo acompañada de intérprete. En ningunha delas diagnosticaron a súa verdadeira enfermidade.
Por fin, o día 19 de decembro trasladáronma ao Hospital 12 de Octubre debido a unha hiperventilación.
Trala súa morte, a hipótese que manexou nun principio o hospital foi a de meninxite. Despois, o hospital cambiou o diagnóstico ao de pneumonía pneumocócica, e máis tarde sinalouse que a morte podería ter sido provocada por unha infección derivada do VIH, xa que Martine era seropositiva.[1]
O Xulgado de Instrución número 38 de Madrid arquivou a investigación penal aberta por estes feitos e presentada pola familia de Martine. Segundo o auto, non existe atisbo algún de que se producira unha conduta neglixente ou mala praxe por parte dalgún dos sanitarios que atenderon á falecida, e existe, contrariamente, constatación de que, en calquera caso, ineludiblemente, se tería producido o mesmo resultado”.[4]
Obras editar
O caso de Martine foi representado na obra teatral Un trozo invisible de este mundo escrita por Juan Diego Botto e interpretada por el mesmo e a actriz e cantante Astrid Jones.[5]
As artistas Daniela Ortiz e Xose Quiroga realizaron o 12 de outubro de 2012 o vídeo "Homenaje a los caídos" no que se levou en procesión por Madrid unha imaxe de Samba Martine dende a Praza de Colón ata o Hospital 12 de outubro onde morreu.
Notas editar
- ↑ 1,0 1,1 Mónica Ceberio Belaza (24 de xaneiro de 2012). "Los médicos del CIE descartaron nueve veces la gravedad de la interna fallecida". Consultado o 19 de decembro de 2012.
- ↑ Diego Sanz Paratcha (Xaneiro de 2012). "Los Centros de Internamiento de Extranjeros dejan de ser invisibles" (en castelán). Arquivado dende o orixinal o 05 de novembro de 2013. Consultado o 19 de decembro de 2012.
- ↑ Héctor Juanatey Ferreiro (18 de decembro de 2012). "Encerrada sin delito, murió enferma como un número" (en castelán). Consultado o 19 de decembro de 2012.
- ↑ Mónica Ceberio Belaza (5 de outubro de 2012). ""No hubo negligencia en la muerte de la interna del CIE Samba Martine"". Consultado o 19 de decembro de 2012.
- ↑ Elsa Fernández-Santos (26 de septembro de 2012). "Todas las voces de Juan Diego Botto" (en castelán). Consultado o 19 de decembro de 2012.