Sam Peckinpah
David Samuel "Sam" Peckinpah, nado en Fresno (California) o 21 de febreiro de 1925 e finado en Inglewood, tamén California, o 28 de decembro de 1984, foi un director e guionista de cine, teatro e televisión estadounidense. Tivo grande sona polo tratamento da violencia nas súas películas, reinventando xéneros coma o do western, ao que pertence a súa película máis famosa Grupo salvaxe.
| Sam Peckinpah | |
|---|---|
 | |
| Nacemento | 21 de febreiro de 1925 |
| Lugar de nacemento | Fresno (California)  Estados Unidos |
| Falecemento | 28 de decembro de 1984 (59 anos) |
| Lugar de falecemento | Inglewood (California) Estados Unidos |
| Causa | Insuficiencia cardíaca |
| Nacionalidade | Estadounidense |
| Alma máter | Universidade do Sur de California, USC School of Cinematic Arts, Fresno High School e Universidade do Estado da Califórnia em Fresno |
| Ocupación | Director de cine e guionista |
| Cónxuxe | Marie Selland (1947–1960) Begoña Palacios (1965–1984) Joie Gould (1971–1972) |
| Premios | Medalha da Campanha Americana, Medalha de Vitória da Segunda Guerra Mundial e Army of Occupation Medal |
| Na rede | |
        | |
| [ editar datos en Wikidata ] | |
TraxectoriaEditar
Neto dun xefe indio, estudou Dereito e diplomouse en Arte Dramática. Enrolouse no exército antes de entrar en contacto co mundo do cine como axudante de dirección de Donald Siegel en A invasión dos ladróns de corpos. Rachou cos tópicos do Far West na súa incursión no xénero do oeste, impregnando películas como a mencionada Grupo salvaxe ou Maior Dundee dun cariz intelectual e violento. Segundo as súas propias palabras, procurou a verdade no lugar do mito.[1]
Nas súas obras, criticou duramente o concepto do heroe tradicional, aparecendo inmerso nun contexto patético e corrupto, un mundo sufrinte onde o antiheroe está atrapado e condenado. Reflicte a desesperación individual e colectiva no marco dunha sociedade que se destrúe e que só pretende atopar a liberación a través dunha violencia aínda maior. Tecnicamente, o seu pulso cinematográfico e orixinalidade narrativa son notables, así como o seu emprego da cor e as súas sanguentas escenas violentas a xeito de ballet.
FilmografíaEditar
- 1961 Compañeiros mortais
- 1962 Duelo na alta serra
- 1965 Maior Dundee
- 1966 Noon Wine (telefilme)
- 1969 Grupo salvaxe
- 1970 A balada de Cable Hogue
- 1971 Cans de palla
- 1972 Junior Bonner
- 1972 The Getaway
- 1973 Pat Garrett e Billy the Kid
- 1974 Quero a cabeza de Alfredo García
- 1975 Os aristócratas do crime
- 1977 Cross of Iron
- 1978 Convoy
- 1982 Jinxed!
- 1983 Clave Omega
NotasEditar
- ↑ Non me interesa o mito; só me interesa a verdade. E o mito do Oeste atópase na explotación da xente que ía conseguir terra. Se se quiere facer unha película sobre o Oeste cómpre facela sobre esta xente que ía e tiña terra. E que roubaron e mataron aos "malditos" indios. Pero iso mudeino, ou polo menos espero telo conseguido en The Wild Bunch. Un dos meus propósitos ao realizar esta película era rachar o mito do Far West, en Decine21.com
Véxase taménEditar
Ligazóns externasEditar
- Biografía de Sam Peckinpah en Decine.21