Abrir o menú principal

Saleta Fernández é unha actriz galega que ten unha ampla traxectoria no teatro afeccionado e que, pouco a pouco, está a se abrir camiño no circuíto profesional.

Saleta Fernández
editar datos en Wikidata ]

TraxectoriaEditar

Formada principalmente e durante máis de dez anos con Fran Rei, dentro da Escola de Teatro da Asociación Artística de Cuntis, tamén participou en diversos obradoiros e cursos monográficos de técnicas teatrais tales como improvisación, clown, interpretación dramática ou movemento escénico da man de Iván Prado, Antón Valén, Jesús Jara, Míriam Villalobos ou Anabel Gago, entre outros.

A súa primeira incursión no circuíto teatral profesional galego chegou en 2011, ao abeiro da Compañía Teatro do Astracán e da súa primeira montaxe, Ladrón e Familia, dirixida por Evaristo Calvo. Posteriormente formou a súa propia compañía, Código Morsa, xunto a Alberto Torres para dar saída ás súas inquedanzas teatrais, estreando en 2014 o seu primeiro espectáculo, Supergalácticos, dirixido por Fran Rei. Igualmente, foi a presentadora das galas das Irmandades da Fala, que xiraron por Galicia en 2016, acompañada de artistas tan recoñecidos como Caxade, Mago Teto ou Luís Iglesia. Na súa última produción, O Valo de Pallasos en Rebeldía, Saleta Fernández consolídase como unha actriz de presente e de prometedor futuro.

A súa última actuación foi no monólogo Pan con Chocolate, de María Victoria Moreno, dirixido por Fran Rei, obra de alta carga social, na que se fala da amizade verdadeira por riba de todas as dificultades e, polo medio, outras tres marabillosas aventuras máis xurdidas do maxín de Mª Victoria Moreno; son catro contos que, aínda que escritos para rapaces e rapazas, na práctica acaban sendo historias para todos os públicos, xa que amosan as cousas tal e como son, sen filtros, a través da mirada sincera dunha nena.

Véxase taménEditar

BibliografíaEditar


 
 Este artigo sobre teatro é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.