Roxelio Rodríguez de Bretaña

Roxelio Rodríguez de Bretaña, nado en Ourense o 11 de novembro de 1917, foi un político galego.

Roxelio Rodríguez de Bretaña

Biografía
Nacemento	11 de novembro de 1917 (106 anos) Ourense, España
Datos persoais
País de nacionalidade	España
Actividade
Ocupación	político , xornalista
Lingua	Lingua castelá

Traxectoria

Florencio Delgado, Roxelio Rodríguez de Bretaña, Andrés Valín, Carlos Tomé, Johán López Durá, Serafín Ferro e Elixio Rodríguez a bordo do Ipanema.

Militante da Federación de Mocedades Galeguistas, alistouse nos requetés para salvar a vida e pasouse ao bando leal. De Francia exiliouse en México en xullo de 1939. Foi o primeiro Secretario Xeral do Padroado da Cultura Galega en 1953. No Padroado tivo problemas polo seu anticomunismo, en especial con Luís Soto, e foi substituído por Carlos Velo. Colaborou en A Nosa Terra e iniciou en decembro de 1952 o programa radiofónico A Hora de Galicia. Foi editor dos números 5 ao 7 da revista Saudade de México. Foi o derradeiro secretario xeral do Partido Galeguista en México en 1945 e de xeito testemuñal ata os anos oitenta; tamén foi secretario de relacións da Irmandade Galeguista.

Véxase tamén

Bibliografía

• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0. 

Outros artigos

• Congreso da Emigración Galega
• Solidaridade Galega Antifeixista

Ligazóns externas

• Ficha no Repertorio biobibliográfico do exilio galego Arquivado 23 de setembro de 2015 en Wayback Machine.
• Ficha na Secretaría de Gobernación. Departamento de Migración de México