Rowland Hill
Rowland Hill, nado o 3 de decembro de 1795 e finado o 27 de agosto de 1879, foi un profesor e reformador social británico. Coñecido pola reforma do sistema postal británico, baseado no selo postal que debía pagar o remitente do envío e que acabou sendo adoptado internacionalmente como base do sistema postal moderno.
| Rowland Hill | |
|---|---|
 | |
| Nacemento | 3 de decembro de 1795 |
| Lugar de nacemento | Kidderminster |
| Falecemento | 27 de agosto de 1879 |
| Lugar de falecemento | Hampstead |
| Soterrado | Abadía de Westminster e cemiterio de Highgate |
| Nacionalidade | Reino Unido de Gran Bretaña e Irlanda e Reino de Gran Bretaña |
| Ocupación | mestre, político e inventor |
| Pai | Thomas Wright Hill |
| Nai | Sarah Lea |
| Cónxuxe | Caroline Pearson |
| Irmáns | Matthew Davenport Hill, Arthur Hill, Edwin Hill e Frederic Hill |
| Premios | membro da Royal Society, Knight Commander of the Order of the Bath, Albert Medal, Ordem do Banho e American Philatelic Society Hall of Fame |
| Na rede | |
   | |
| [ editar datos en Wikidata ] | |
TraxectoriaEditar
Fillo de Thomas Wright Hill, profesor de ideas innovadoras, Rowland deu clase na escola do seu pai e traballou como secretario da Comisión de Colonización de Australia do Sur (1833-1839). Interesado pola reforma do sistema postal británico, onde as fraudes eran habituais xa que o que tiña que pagar o envío era o destinatario, o que causaba que moitas veces o envío non se recollese e polo tanto os gastos de transporte non se cubrían ou mesmo se utilizaban contrasinais no exterior do envío para dar información ao destinatario sen precisar recoller o envío e polo tanto pagalo, publicou en 1837 o folleto Post Office Reform: its Importance and Practicability propugnando o establecemento dunha taxa uniforme e baixa baseada no peso e non nos quilómetros percorridos e pagada polo remitente. Hill enviou o seu proxecto ao goberno e creouse un comité de estudo na Cámara dos Comúns para o seu estudo e o seu plan foi aprobado en 1839 polo que foi cotratado por dous anos para poñelo en marcha. En 1840 estaba en marcha a reforma, primeiro cun sobre prepagado deseñado por William Mulready que non tivo moito éxito e foi amplamente satirizado por consideralo de mal gusto e axiña co primeiro selo postal, o Penny Black que foi un éxito inmediato.