Rosende, Ponte, Silleda
Rosende é un lugar da parroquia de Ponte no concello pontevedrés de Silleda. No ano 2017 tiña 42 habitantes, deles 20 eran homes e 22 eran mulleres. Isto supón unha diminución no número de habitantes con respecto ao ano 2000.
| Rosende | |
|---|---|
 Rosende, con restos de fume tralo incendio do Monte da Costa en xullo do 2013 | |
| Parroquia | Ponte |
| Concello | Silleda |
| Coordenadas | 42°42′46″N 8°13′33″O / 42.71283333, -8.22572222 |
| Poboación | 42 hab. (2017) |
| [ editar datos en Wikidata ] | |
Historia
editarEste lugar deu o nome ao Couto de Rosende e atopábase dividido entre as parroquias de Ponte e Vilar[1]. Pertencía todo el ao señorío do encomendador de Beade, ao que os veciños rendían contas, ademais de pagar os décimos e primicias ao párroco de Ponte ou ao de Vilar segundo lles correspondera[2]. En 1799, debido entre outras cousas á longa distancia as igrexas de Ponte e Vilar, os veciños de Rosende decidiron construír un pequeno santuario onde venerar á Virxe dos Remedios[3], que daría nome as terras de labor próximas: o "Agro da Capilla".
No ano 1863 trasladouse a liturxia desde a igrexa de San Miguel ao santuario dos Remedios, que se convertería na nova igrexa parroquial. Ademais, anos máis tarde, en 1891, Rosende queda totalmente integrado na parroquia de Ponte[4].
Xeografía
editarPor este lugar pasa o río da Gouxa, que aquí recibe os nomes de regueiro de Rosende, río de Rosende ou río da Torre. Esta corrente de auga forma as chamadas "Fervenzas dos Muíños", pouco despois de deixar atrás estas construcións. Máis abaixo, atópase a antiga fábrica da luz. Antes de pasar a carón de Rosende, este río recibe as augas doutro regueiro procedente do lugar das Casas do Monte, canalizado por debaixo das instalacións da Feira Internacional de Galicia, e que volve a saír a luz no lugar de Meixomence, do cal toma o seu nome.
Poboación
editarEvolución da poboación:
Lugares e parroquias
editarLugares de Ponte
editar| Lugares da parroquia de Ponte no concello de Silleda (Pontevedra) | |
|---|---|
|
Aldea de Abaixo | Carderrei | O Espiño | Meixomence | Rosende | Sino | Trasdosisto | Trasfontao |
Parroquias de Silleda
editarNotas
editar- ↑ Madoz (1849), páx. 573: "ROSENDE: ald. en la prov. de Pontevedra, ayunt. de Chapa, y felig. de San Martín de Villar (V.).Pobl.: 5 vec. y 35 almas", "ROSENDE: ald. en la prov. de Pontevedra, ayunt. de Chapa, y felig. de San Miguel de Ponte (V.).Pobl.: 4 vec. y 20 almas"'.
- ↑ O couto de Rosende en 1753 en Faro de Vigo (27/09/2015) (Consultado o 22/04/2016).
- ↑ A capela dos Remedios de Ponte en Faro de Vigo (13/09/2015) (Consultado o 22/04/2016).
- ↑ Cando San Miguel deixou o seu lugar en Faro de Vigo (29/09/2013) (Consultado o 22/04/2016).
Véxase tamén
editarBibliografía
editar- Madoz Ibáñez, Pacual (1849), Diccionario geográfico-estadístico-histórico de España y sus posesiones de Ultramar. Madrid, 16 vol.