Abrir o menú principal

Rosa María Calaf

xornalista española

Rosa María Calaf Solé, nado o 17 de xuño de 1945 en Barcelona, é unha xornalista catalá que desenvolveu boa parte da súa carreira profesional na Televisión Española.

Rosa María Calaf
Rosa María Calaf 2012 (cropped).jpg
Rosa María Calaf, en 2012
Nome completoRosa María Calaf Solé
Nome de nacementoRosa María Calaf i Solé
Nacemento17 de xuño de 1945
 Barcelona
NacionalidadeCataluña
Alma máterUniversidade Autónoma de Barcelona e Universidade de Barcelona
OcupaciónXornalista
PremiosNational Prize for Journalism, Premio José Couso, Cirilo Rodríguez Award, sen etiquetar, Premio Ondas, Ofici de Periodista, honorary doctor of the Rovira i Virgili University, doutor honoris causa e honorary doctor of the Miguel Hernández University of Elche
editar datos en Wikidata ]
Rosa María Calaf, en 2007

Naceu en 1945 na cidade de Barcelona e licenciouse en dereito pola Universidade de Barcelona e en xornalismo pola Universidade Autónoma de Barcelona. No ano 1970 entrou a traballar na Televisión Española (TVE) e desde ese momento converteuse nun dos rostros máis populares mediante o desenvolvemento das súas correspondencias en Nova York, Moscova, Buenos Aires, Viena e Roma. No ano 1983 abandonou, momentaneamente, Televisión Española para converterse en directora de programación de Televisió de Catalunya.

O seu último destino foi a correspondencia da zona Asia-Pacífico, destacando a cobertura que fixo sobre os Xogos Olímpicos de verán de 2008 realizados en Pequín (China). En novembro de 2008 acolleuse á política de xubilacións impulsada por TVE e abandonou a súa carreira profesional nesta cadea o 1 de xaneiro de 2009, converténdose en presidenta do Centro Internacional de Prensa de Barcelona. En outubro de 2011 comeza unha nova etapa televisiva na canle 13 TV, como colaboradora do espazo de Inés Ballester, Te damos la mañana.[1]

Premios e distinciónsEditar

Ao longo da súa carreira foi galardoada co Premio Ondas á mellor tarefa profesional (2001) e o premio Oficio de Xornalista concedido polo Colexio de Xornalistas de Cataluña (2003) e o V Premio José Couso de Liberdade de Prensa (2009).[2] En xuño de 2009 foi galardoada co Premio Nacional de Xornalismo que concede a Generalitat de Catalunya pola súa «dilatada e exemplar traxectoria como reporteira internacional en TVE».

O ano 2008 foi investida doutora honoris causa pola Universidade Rovira i Virgili de Tarragona, en 2010 pola Universidade Miguel Hernández de Elx e en 2014 pola Xaime I.[3]

NotasEditar

  1. "Verónica Mengod, Lara Dibildos, Rosa María Calaf y Concha Galán, colaboradores de Inés Ballester". formulatv.com (en castelán). 20-10-2011. Consultado o 28-04-2019. 
  2. Bustabad, Lorena (17-04-2019). "El José Couso premia la carrera de Rosa María Calaf". elpais.com (en castelán). Consultado o 28-04-2019. 
  3. "Rosa María Calaf, doctora honoris causa de la Universitat Jaume I". Universidade Xaime I (en catalán). 14 de abril de 2014. Consultado o 3/03/2019. 

Véxase taménEditar