Roger Bacon
Roger Bacon, tamén coñecido como Doctor Mirabilis, nado en Ilchester contra o 1214 e finado en Oxford en 1294, foi un filósofo inglés, un dos máis coñecidos franciscanos do seu tempo e un dos máis antigos avogados do moderno método científico. Tamén foi un dos primeiros europeos en ensinar a Aristóteles grazas á influencia árabe.
| Roger Bacon | |
|---|---|
 | |
| Alcume | Doctor Mirabilis |
| Nacemento | c. 1220 |
| Lugar de nacemento | Somerset, Ilchester e Bisley |
| Falecemento | c. 1292 e 1294 |
| Lugar de falecemento | Oxford |
| Nacionalidade | Reino de Inglaterra |
| Etnia | Pobo inglés |
| Relixión | catolicismo |
| Alma máter | Universidade de Oxford |
| Ocupación | filósofo, físico, teólogo, musicólogo, teórico da música, astrólogo, alquimista, tradutor, inventor, matemático e escritor |
| Coñecido por | Opus majus e Opus Minus |
| [ editar datos en Wikidata ] | |
TraxectoriaEditar
Estudou en Oxford e trasladouse a París en 1236. De novo en Oxford (1251), escribiu Speculum astronomiae (no que corrixiu o sistema astronómico de Tolomeo), e unha Metafísica, malia iso en 1257, foille prohibido ensinar e volveu a París. Reformou o calendario xuliano en 1263.
A instancias do seu protector (Clemente IV), comezou os Communia naturalium (un compendio da ciencia da súa época), que deixou para escribir Opus maius (1267-1268), obra que enviou ao Papa xunto coa anterior e outras dúas (Opus minus e Opus tertium), escribiu tamén un Compendium studii philosophiae. Bacon sempre defendeu que a autoridade relixiosa non debía ser seguida acriticamente.
En 1277 o xeneral dos franciscanos atopou sospeitosas as súas obras (sobre todo polos ataques a Santo Alberte Magno e a San Tomé). Condenadas as súas teses, estivo na cadea ata 1292.