Rodrigo Berruete Alejandre
Rodrigo Berruete Alejandre, coñecido como Gitano, nado en Vilagarcía de Arousa cara a 1902 e finado no mesmo concello o 16 de febreiro de 1937, foi un sindicalista e guerrilleiro galego.
| Biografía | |
|---|---|
| Nacemento | 1902  Vilagarcía de Arousa, España |
| Morte | 16 de febreiro de 1937 (34/35 anos) Loenzo, España |
| Datos persoais | |
| País de nacionalidade | España |
| Actividade | |
| Ocupación | sindicalista , político |
| Lingua | Lingua castelá |
Traxectoria editar
Xornaleiro. Pertencía á Federación Local da CNT de Vilagarcía de Arousa. Co golpe de Estado do 18 de xullo de 1936 fuxiu ao monte e organizou un grupo guerrilleiro no monte Xiabre con outros fuxidos: Ángel Buceta Loroño, Ramón Rodríguez Carregal, Francisco Bahamonde, Manuel Martínez Freire, José Torres Eiras, e Serafín Brea Otero, ao que se foron incorporando Urbano Tarrío Montero, Manuel Limeres Ordóñez, Juan Gil Quintela, Antonio Basilio Sayanes González, Pilar Fernández Seijo e Manuel Díaz Hermo. Perseguidos pola Garda civil, o exército, os carabineiros e as milicias de Falange e a Garda Cívica de Vilagarcía, o 13 de febreiro de 1937 cercan a casa de Pilar Fernández en Trabanca Badiña onde estaban refuxiados, pero logran fuxir. Na persecución morre Manuel Díaz Hermo e Ángel Buceta entrégase ao día seguinte. O 16 de febreiro son cercados nunha casa de Loenzo, os franquistas prenden lume ao edificio e morren carbonizados Rodrigo Berruete, Pilar Fernández, Manuel Limeres e Antonio Sayanes. Os cadáveres foron trasladados ao cemiterio de Vilagarcía e soterrados nunha fosa común sen nome.[1]
Notas editar
Véxase tamén editar
Bibliografía editar
- Abuín Duro, Marcelino (2018). La primavera rota. Vilagarcía de Arousa, 1936-1941. Abegondo: Sociedad Bibliográfica de Galicia. pp. 294–302. ISBN 978-84-09-02453-7.
- Fajardo, Montse (2012). Matriarcas, mulleres en pé de vida. Vilagarcía de Arousa: autor-editor. ISBN 978-84-939599-3-7.
Ligazóns externas editar
- Rodrigo Berruete Alejandre na páxina web Nomes e Voces.