Rodopsinas bacterianas
As rodopsinas bacterianas son unha familia proteica de opsinas procarióticas. Son proteínas de tipo retinilideno (que se unen ao retinal), que realizan un transporte de ións dependente da luz e funcións sensoriais nun grupo de arqueas halófilas, as halobacterias[1][2] e outros procariotas. Son proteínas integrais de membrana con sete hélices transmembrana, a última das cales contén o lugar de unión (unha lisina conservada) para o retinal.
Rodopsinas bacterianas | |||||||||||
---|---|---|---|---|---|---|---|---|---|---|---|
Trímero de bacteriorrodopsina | |||||||||||
Identificadores | |||||||||||
Símbolo | Bac_rhodopsin | ||||||||||
Pfam | PF01036 | ||||||||||
InterPro | IPR001425 | ||||||||||
PROSITE | PDOC00291 | ||||||||||
SCOPe | 2brd / SUPFAM | ||||||||||
TCDB | 3.E.1 | ||||||||||
OPM superfamily | 6 | ||||||||||
OPM protein | 1vgo | ||||||||||
|
As proteínas deste tipo de halobacterias inclúen a bacteriorrodopsina e a arquerrodopsina, que son bombas de protóns impulsadas pola luz, a halorrodopsina, que é unha bomba de cloruros impulsada pola luz, e a rodopsina sensorial, que media nas respostas de fotoatracción (cara á luz vermella) e fotofobia (cara á luz ultravioleta). Noutras arqueas, bacterias e mesmo en eucariotas atópase a proteína desta familia proteorrodopsina.
Notas editar
- ↑ Oesterhelt D, Tittor J (1989). "Two pumps, one principle: light-driven ion transport in halobacteria". Trends Biochem. Sci. 14 (2): 57–61. PMID 2468194. doi:10.1016/0968-0004(89)90044-3.
- ↑ Lottspeich F, Oesterhelt D, Blanck A, Ferrando E, Schegk ES (1989). "Primary structure of sensory rhodopsin I, a prokaryotic photoreceptor". EMBO J. 8 (13): 3963–3971. PMC 401571. PMID 2591367.
Véxase tamén editar
Outros artigos editar
Este artigo incorpora texto en dominio público de Pfam e InterPro IPR001425.