Roberta Metsola

Roberta Metsola
	;
Nome orixinal	(mt) Roberta Metsola Tedesco Triccas
Biografía
Nacemento	(mt) Roberta Tedesco Triccas ; 18 de xaneiro de 1979 (45 anos); St. Julian's, Malta (pt)
Presidenta do Parlamento Europeo
	18 de xaneiro de 2022 – ; ← David Sassoli
Presidenta do Parlamento Europeo
	Coa función de: ad interim; 11 de xaneiro de 2022 – 18 de xaneiro de 2022 ; ← David Sassoli
Vice-presidente do Parlamento Europeu (pt)
	12 de novembro de 2020 – 11 de xaneiro de 2022 ; ← Mairead McGuinness (pt)
Eurodeputada
	Representa: Partido Nacionalista (pt) ; 2 de xullo de 2019 – ; Lexislatura: IX Legislatura do Parlamento Europeu (pt) ; Circunscrición electoral: Malta (en) ; Electo en: Eleccións ao Parlamento Europeo de 2019
Eurodeputada
	Representa: Partido Nacionalista (pt) ; 1 de xullo de 2014 – ; Lexislatura: VIII Legislatura do Parlamento Europeu (pt) ; Circunscrición electoral: Malta (en) ; Electo en: Eleccións ao Parlamento Europeo de 2014
Eurodeputada
	Representa: Partido Nacionalista (pt) ; 25 de abril de 2013 – 30 de xuño de 2014 ; Lexislatura: VII Legislatura do Parlamento Europeu (pt) ; Circunscrición electoral: Malta (en)
Datos persoais
País de nacionalidade	Malta
Educación	Universidade de Malta (pt) ; St Aloysius' College (en)
Actividade
Lugar de traballo	Estrasburgo ; Bruxelas
Ocupación	política , xurista
Partido político	Partido Nacionalista (pt)
Lingua	Lingua maltesa, lingua inglesa e lingua francesa
Participou en
16 de xaneiro de 2023	World Economic Forum Annual Meeting 2023 (en)
Familia
Cónxuxe	Ukko Metsola (2005–)
	Premios (2022) Order of Merit, 1st class (en) ; Order of Princess Olga, 1st class (en) ; Grand Cross of the Order of Grand Duke Gediminas (en) ;
Páxina web	robertametsola.eu

Roberta Metsola Tedesco Triccas, nada en San Ġiljan (Malta) o 18 de xaneiro de 1979, é unha avogada e política maltesa, presidenta do Parlamento Europeo dende o 18 de xaneiro de 2022.

Traxectoria editar

Graduada en Dereito pola Universidade de Malta en 2003 continou coa súa formación no Colexio de Europa de Bruxas. É militante do Partido Nacionalista, dende a súa mocidade ocupou cargos relevantes: foi líder da sección de estudantes da formación política e, entre 2002 e 2003, secretaria xeral da organización Estudantes Demócratas Europeos (EDS), vencellada ao Partido Popular Europeo.^[1]

En 2004, tras a adhesión maltesa á Unión Europea, integrou as listas do Partido Nacionalista ao Parlamento Europeo aínda que non resultou electa. Entre 2004 e 2012 traballou na Representación Permanente de Malta ante a Unión Europea. En 2012, pasou a ser asesora xurídica da Alta Representante da Unión para Asuntos Exteriores e Política de Seguridade, Catherine Ashton, cargo ao que renunciou en 2013 para asumir como eurodeputada.^[2]

Mantívose como membro do Parlamento Europeo logo das eleccións de 2014 e 2019, sendo escollida vicepresidenta primeira da cámara o 12 de novembro de 2020. En decembro de 2021, o grupo do Partido Popular Europeo propuxo o seu nome para a elección dun novo presidente do Parlamento, prevista para xaneiro de 2022.^[3] Roberta Metsola chegou á votación, o 18 de xaneiro, exercendo provisionalmente a presidencia polo pasamento días antes de David Sassoli. Impúxose con 458 votos fronte os 101 da sueca Alice Bah Kuhnke, proposta polos Verdes, e os 51 da española Sira Rego, proposta pola Esquerda Europea.^[4] A suma dos deputados do PPE, Social Demócratas e liberais, fixo de Roberta Metsola a terceira muller en presidir o Parlamento Europeo e a persoa máis nova en exercer esta autoridade.

Foi louvada polo seu perfil dialogante e posicionouse a favor dos dereitos dos migrantes e do colectivo LGTBI, aínda que foi criticada pola súa postura contraria ao aborto.^[5]^[6]

Xa como presidenta do Parlamento, na reunión do Consello Europeo do 24 de febreiro de 2022, logo dos ataques rusos a Ucraína, Metsola propuxo a adopción de sancións severas á Federación Rusa e a prestación de asistencia financeira a Ucraína.^[7]

Está casada co finés Ukko Metsola con quen é nai de catro fillos.^[8]

Predecesor:
David Sassoli