Abrir o menú principal

River Phoenix

Actor, músico e activista estadounidense

River Jude Phoenix, nado co apelido Bottom o 23 de agosto de 1970, e finado o 31 de outubro de 1993, foi un actor, músico e activista estadounidense. Era o irmán maior de Rain Phoenix, Joaquin Phoenix, Liberty Phoenix e Summer Phoenix.

River Phoenix
River Phoenix.png
Nome completoRiver Jude Bottom
Nacemento23 de agosto de 1970
LugarMadras
Falecemento31 de outubro de 1993
LugarWest Hollywood
Causasobredose, envelenamento e Insuficiencia cardíaca
NacionalidadeEstados Unidos de América
NaiArlyn Phoenix
Profesiónactor, actor de televisión, actor de cinema, artista de rua, músico, cantautor, compositor, ecoloxista, guitarrista e modelo
editar datos en Wikidata ]

A obra de Phoenix inclúe 24 filmes e aparicións de televisión, e o seu ascenso na fama converteuno nun "ídolo adolescente".[1] Comezou a súa carreira como actor con 10 anos, aparecendo en anuncios de televisión. Protagonizou o filme de ciencia ficción Explorers (1985), e tivo o seu primeiro papel de sona en 1986, no filme Conta comigo, que é unha adaptación da novela The Body de Stephen King. Phoenix fixo a transición a papeis máis adultos con Running on Empty (1988), unha interpretación que lle valeu un nomeamento ó Oscar ó mellor actor secundario, e My Own Private Idaho (1991), intepretando un prostituto homosexual na busca da súa nai. Pola interpretación neste último papel, Phoenix gañou a aclamación da crítica e unha Colpa Volpi ó mellor actor no Festival Internacional de Cine de Venecia, e o premio de mellor actor da Sociedade Nacional da Crítica.

O 31 de outubro de 1993, Phoenix tivo un colapso e morreu por unha intoxicación despois dunha sobredose en West Hollywood, á saída do club nocturno The Viper Room, cando tiña 23 anos de idade.[2] No momento da súa morte, Phoenix estaba no medio da rodaxe de Dark Blood (2012).

NotasEditar

  1. Weinraub, Bernard (2 de novembro de 1993). The New York Times, ed. "Death of River Phoenix Jolts the Movie Industry". Consultado o 4 de xullo de 2014. 
  2. Remembering 1993 Gary Kirkland Gainesville Sun – 26 de decembro de 1993

Véxase taménEditar

BibliografíaEditar

  • Holmstrom, John. The Moving Picture Boy: An International Encyclopaedia from 1895 to 1995. Norwich, Michael Russell, 1996, p. 380-381.

Ligazóns externasEditar