Rijksmuseum

Rijksmuseum;
Tipo	museo nacional, museo de arte, museo de historia e empresa produtora
Forma xurídica	stichting (en)
Sede	Ámsterdam
Localización
	52°21′36″N 4°53′07″L / 52.36, 4.8853
Estado	Reino dos Países Baixos
País	Países Baixos
Provincias	Holanda Setentrional
Concello	Ámsterdam
Localización	Rijksmuseum (en) , Trippenhuis (en) , Palacio Real de Ámsterdam, Palacio Huis ten Bosch e Ateliergebouw Rijksmuseum (en)
Rúa	Museumstraat
Código postal	1071XX
Enderezo	Museumstraat 1
Visitas
Prezo de acceso	20 €, 0 € e 0 €
Formas de pago	diñeiro en efectivo, tarxeta de débito, Visa Electron (pt) , Mastercard credit card (en) , American Express credit card (en) , Museumkaart (en) e ICOM membership card (en)
Datas
Fundación	1800
Inauguración	1885
Acontecementos
1876 – 1885	construción, Arquitecto: Pierre Cuypers
13 de xullo de 1885	apertura
decembro de 2003 – abril de 2013	renovación
13 de abril de 2013	reapertura
Persoas e organizacións
Arquitecto	Pierre Cuypers
Director	Taco Dibbits e Wim Pijbes
Presidente	Jaap de Hoop Scheffer e Anthony Ruys
Visitantes anuais	625.000, 2.200.000, 2.450.000, 2.345.666, 1.000.000, 2.259.987, 2.300.000 e 2.700.000
Patrimonio cultural
Distincións	Premio do Museo Europeo do Ano e registered museum (en)
Membro de
	Consello Internacional de Museos e Geheugen van Nederland (en)
Composto por
	Great hall of the Rijksmuseum (en) , hall 0.1 (en) , hall 0.2 (en) , hall 0.4 (en) , Rijksmuseum Amsterdam - room 0.5 (en) , hall 0.6 (en) , Rijksprentenkabinet (en) , Q130296739 , Q126898203 , Q123684011 , Hall of Waterloo (en) , hall 1.18 (en) , hall 2.3 (en) , Rijksmuseum Amsterdam - Room 2.4 (en) , Rijksmuseum Amsterdam - Room 2.5 (en) , hall 2.6 (en) , Hall 2.8 (en) , hall 2.11 - Rijksmuseum (en) , hall 2.15 (en) , hall 2.20 (en) , Hall 2.25 (en) e Q125130607
Contacto
Páxina WEB	rijksmuseum.nl
Teléfono	+31-20-674-7352
Redes
	[ Wikidata ]

O Rijksmuseum ou Museo Nacional de Ámsterdam, é un museo situado na famosa praza de Museumplein de Ámsterdam (Países Baixos). Está dedicado á arte, a artesanía e a historia. Posúe unha extensa colección de pinturas do Século de Ouro holandés e unha substancial colección de arte asiática.

O Rijksmuseum alberga obras de Frans Hals, Rubens, Johannes Vermeer, Jan Vermeer, Jan Steen, Fra Angelico, Geertgen tot Sint Jans, Ferdinand Bol, Nicolaes Maes, Guerrit Dou, Jacob van Ruisdael, Lucas van Leyden, Jan Brueghel o Vello e do mestre Rembrandt van Rijn.

Destacan sobre todo as obras deste último: A rolda de noite, A noiva xudía, A árbore de Xesé, A morte dos inocentes e varias paisaxes dos Países Baixos.

Historia

O Rijksmuseum cara a 1895

Sala do Pavillón Phillips.

A rolda de noite na sala Phillisps

Este museo foi fundado en 1800, promovido polo financeiro Alexander Gorel. Abriu o 31 de maio do mesmo ano, seguindo o exemplo do Louvre. A súa primeira sede foi o Palacio de Frederik Hendrik en Huis ten Bosh, preto da Haia, e exhibía as coleccións dos estatúders holandeses.

Por aquela época coñecíaselle como a Galería Nacional de Arte (Nationale Kunst-Gallerij). En 1808 foi trasladado a Ámsterdam por orde do rei Luís Napoleón, irmán de Napoleón Bonaparte. A colección de arte instalouse nunha sala grande e dúas salas pequenas do Palacio Real. Ao principio constaba da colección do Museo Nacional da Haia, e logo os cadros pertencentes á cidade de acollida, tales como A rolda de noite, convertéronse en parte da colección.

Durante todo o século XIX o museo cambiou de localización varias veces e foise ampliando a colección. Adquiríronse 63 obras dunha colección de Rotterdam e máis de 587 obras a fins de 1814.

Finalmente, o 13 de marzo de 1885 trasladouse á súa actual localización, un edificio construído polo arquitecto holandés Pierre Cuypers, quen combinou elementos góticos e renacentistas e decorouno ricamente con referencias á historia da arte holandesa. O edificio, que en 1970 obtivo a consideración de monumento nacional dos Países Baixos (rijksmonument), ocupa un destacado lugar na Museumplein (Praza dos museos), preto do Museo van Gogh e o Museo Stedelijk.^[1]

Dende 2003 e ata 2010, o museo atópase en obras de restauración e renovación baixo a dirección de dous arquitectos españois, Antonio Cruz e Antonio Ortiz. Moitas das antigas decoracións interiores serán restauradas e cambiaranse os chans dos patios.

Dende 2005 o 95% do conxunto está pechado polas reformas, e durante todo este proceso unicamente algunhas pinturas das coleccións permanentes séguense exhibindo nunha sala especial chamada As obras mestras no recentemente restaurado pavillón Phillips.

Este proxecto viuse envolvido en certa controversia porque os ciclistas, numerosos na cidade, denunciaron obstáculos nun arco do edificio que adoitaban cruzar. O proxecto tivo que ser modificado.

Colección

O Rijksmuseum dispón dunha brillante colección de pintura dos Países Baixos, do período comprendido entre os séculos XV e XX, aínda que sobresae a do século XVII, con obras fundamentais de Rembrandt e Vermeer. Posúe así mesmo unha valiosa colección de pintura estranxeira, con algunhas obras de Goya e de mestres italianos do Renacemento e Barroco. É igualmente notable o fondo de debuxos e gravados.