Benishangul-Gumuz (en amhárico: ቤንሻንጉል ጉሙዝ; Benšangul Gumuz), tamén coñecida como Benshangul/Gumuz, é unha das nove divisións étnicas (kililoch) de Etiopía. Outrora coñecida como "Rexión 6", a capital da rexión é Assosa. Despois da adopción da Constitución de 1995, a rexión foi creada coa parte máis occidental da antiga provincia de Gojjam (a parte norte do río Abay), e a parte setentrional da provincia de Welega (parte sur do Abay). O nome da rexión provén dos dous grupos étnicos locais, os berta (tamén coñecidos como benishangul) e os gumuz.
