República Soviética Independiente de Galicia

Non confundir con República Socialista Soviética de Galicia.

A República Soviética Independiente de Galicia foi proclamada en Ourense en 1932 e tan só durou unhas horas.

República Soviética Independiente de Galicia

Localización
Capital	Ourense
Datos históricos
Creación	22 de marzo de 1932
Disolución	22 de marzo de 1932

Historia

Os feitos producíronse en Ourense, no contexto dunha folga de traballadores das obras do ferrocarril entre Zamora e A Coruña, que protestaban ante a decisión do goberno republicano de paralizar os traballos de construción da liña. A madrugada do 22 de marzo de 1932, os obreiros ocuparon a sede do goberno civil en Ourense e pecharon ó gobernador nun cuarto. Alí, o doutor comunista Antonio Fernández Carnicero e outros cinco compañeiros, retiraron a bandeira republicana e izaron unha cunha fouce e un martelo que dicía en letras douradas: República Soviética Independiente de Galicia. A revolta levou a que varios concellos da Seabra pedisen a súa adhesión a Galicia, e sendo retiradas nos indicadores da comarca as referencias á provincia de Zamora, que foron substituídas polas da provincia de Ourense.

Ás poucas horas a bandeira foi retirada, segundo conta Luís Soto no seu libro Castelao, a U.P.G. e outras memorias. Con todo, a mobilización conseguiu o obxectivo inicial de que o goberno retomase as obras do ferrocarril.

Véxase tamén

Bibliografía

• Castelao, a U.P.G. e outras memorias, Luís Soto.

Outros artigos

• Primeira República Galega

Ligazóns externas

• C. C. V. (abril de 2010). "República Soviética da Galiza" (PDF). A Revista. Suplemento do Novas da Galiza (20). p. 1.