República Soviética Independiente de Galicia

Non confundir con República Socialista Soviética de Galicia.

A República Soviética Independiente de Galicia foi proclamada en Ourense en 1932 e tan só durou unhas horas.

Historia

Foi proclamada polo doutor Fernández Carniceiro e outros cinco compañeiros (traballadores da construción) que subiron ó Goberno Civil, pecharon ó gobernador nun cuarto, retiraron a bandeira republicana e izaron unha cunha fouce e un martelo vermellos que dicía en letras douradas: República Soviética Independiente de Galicia. Ás poucas horas a bandeira foi retirada, segundo conta Luís Soto no seu libro Castelao, a U.P.G. e outras memorias.

Véxase tamén

Bibliografía

• Castelao, a U.P.G. e outras memorias, Luís Soto.

Outros artigos

• Primeira República Galega

Ligazóns externas

• C. C. V. (abril de 2010). "República Soviética da Galiza" (PDF). A Revista. Suplemento do Novas da Galiza (20). p. 1.