Real Forza Aérea do Canadá

A Real Forza Aérea do Canadá (RCAF en inglés e ARC en francés) é a forza áerea e espacial do Canadá. O seu rol é o de "proporcionar ás Forzas do Canadá un poder aéreo relevante, receptivo e efectivo". A RCAF é un dos tres comandos dentro das Forzas Armadas do Canadá unificadas. En 2020 a Real Forza Aérea do Canadá estaba formada por 12 074 soldados regulares e 1 969 reservistas, apoiados por 1 518 civís, e operaba 258 aeronaves tripuladas e 9 non tripuladas. O tenente xeneral Al Meinzinger é o actual comandante da Real Forza Aérea do Canadá e o xefe do Estado Maior da Forza Aérea.

Real Forza Aérea do Canadá
Tipo	forza aérea
Parte de	Forças Armadas do Canadá (pt)
Lema	ad astra (en)
Texto lema	Sic itu ad astra
Bandeira
Historia	history of the Royal Canadian Air Force (en)
Composto por  1 Canadian Air Division (en)  2 Canadian Air Division (en)
Persoas e organizacións
Cargo dirixente	Commander of the Royal Canadian Air Force (en)
Matriz	Forças Armadas do Canadá (pt)
Lealdade	Monarca do Canadá
Número de membros 19600 (23 de abril de 2008)
Entidades subsidiarias 1 Canadian Air Division (en) 2 Canadian Air Division (en)
Actividade
Elemento operado aircraft in Royal Canadian Air Force service (en)
Data
Fundación	1920
Acontecementos
▶ aniversario
Conflitos Segunda Guerra Mundial Bombardeios estratégicos durante a Segunda Guerra Mundial (pt) batalla do Atlántico batalla de Inglaterra Fronte Occidental da Segunda Guerra Mundial Operation Unified Protector (en) Operation Friction (en) Operação MOBILE (pt) Operation Impact (en) Guerra civil siria Intervenção militar na Líbia em 2011 (pt) Guerra do Golfo Guerra de Corea Guerra Civil Iraquiana (pt) Bombardeios da Organização do Tratado do Atlântico Norte na Bósnia em 1995 (pt) Guerra de Afganistán Guerra de Kosovo Intervenção militar na Iugoslávia em 1999 (pt)
Localización
País	Canadá
Localización	National Defence Headquarters (en)
Sede	National Defence Headquarters (en)
Contacto
Páxina WEB	canada.ca…
Redes
[ Wikidata ] [ C:Commons ]

A Real Forza Aérea do Canadá é a responsable de todas as operacións de aeronaves das Forzas Canadenses, de facer cumprir a seguridade do espazo aéreo do Canadá, e de proporcionar aeronaves para apoiar as misións da Real Armada do Canadá e do Exército do Canadá. A RCAF é socia da Forza Aérea dos Estados Unidos na misión de protexer o espazo aéreo continental baixo o Comando de Defensa Aeroespacial de América do Norte (NORAD). A RCAF tamén proporciona os principais recursos aéreos e é a responsable do Programa Nacional de Busca e Rescate.

A RCAF ten as súas raíces na Forza Aérea do Canadá, formada no ano 1920. A Forza Aérea do Canadá recibiu o apelativo real en 1924 de mans do rei Xurxo V para formar a Real Forza Aérea do Canadá. En 1968 a RCAF fusionouse coa Armada e o Exército, co obxectivo de unificar todas as forzas do Canadá. As unidades aéreas dividíronse entre distintos comandos: Mando de Defensa Aérea (ADC; interceptores), Mando de Transporte Aéreo (ATC; transporte, busca e rescate), Mando Móbil (cazas tácticos, helicópteros), Mando Marítimo (guerra antisubmarina, patrulla marítima), así como o Mando de Adestramento (TC).

En 1975 disolvéronse algúns comandos (ADC, ATC, TC), e todas as unidades aéreas pasaron a estar baixo un novo mando coñecido sinxelamente como Mando Aéreo (AIRCOM). O Mando Aéreo volveu ao seu nome histórico en agosto de 2011.

A Real Forza Aérea do Canadá operou na segunda guerra mundial, na guerra de Corea, e na guerra do Golfo, así como en varias misións da ONU para o mantemento da paz e en varias operacións da OTAN. Como membro da OTAN, a RCAF estivo presente en Europa durante a segunda metade do século XX.