Ramón Sobrino Buhigas

Para outras páxinas con títulos homónimos véxase: Ramón Sobrino e Sobrino Buhigas.

Ramón Sobrino Buhigas, nado en Pontevedra en 1888 e finado en Valladolid o 6 de xuño de 1946, foi un naturalista e arqueólogo galego. Foi irmán do pintor Carlos Sobrino Buhigas e pai do arqueólogo Ramón Sobrino Lorenzo-Ruza.

Ramón Sobrino Buhigas
Nacemento	1888
Lugar de nacemento	Pontevedra
Falecemento	6 de xuño de 1946
Lugar de falecemento	Valladolid
Nacionalidade	España
Ocupación	arqueólogo
Pai	Luís Sobrino Rivas
Fillos	Ramón Sobrino Lorenzo-Ruza
Irmáns	Carlos Sobrino Buhigas
[ editar datos en Wikidata ]

Traxectoria

Fillo do médico Luís Sobrino Rivas. Estudou Ciencias Naturais na Universidade de Madrid, doutorándose en 1911. Entre ese ano e 1913 foi profesor da Universidade de Santiago de Compostela e da Escola de Artes e Oficios. Foi catedrático de Historia Natural en Lleida, Palma e Pontevedra, onde dirixiu o instituto até 1921. Despois estudou Odontoloxía en Madrid. En 1931 regresou a Santiago de Compostela, onde exerceu como odontólogo e como profesor de instituto e da Universidade. Foi membro da Real Academia Galega, do Instituto de Estudos Galegos e xefe da Estación Meteorolóxica de Pontevedra. Representou a Real Sociedade Española de Historia Natural no VII Congreso Internacional de Pesca.

Morreu en 1946 no tren que o traía de volta de Valladolid a onde acudira a consultarse das súas doenzas hepáticas.

Obra

Ramón Sobrino, retrato en Vida Gallega 1923.

• Estudio sobre los cistolitos (1911).
• Contribución a la gea de Galicia (1916).
• Balaenoptera borealis (1917).
• La purga de mar o hematotalasia (1918).
• Réplica a las observaciones del Sr. de Buen (1918).
• Insculturas galaicas prerromanas (1919).
• La dinamita en la pesca (1923).
• Petroglifos o insculturas rupestres de Pontevedra (1931).
• Corpus Petroglyphorum Gallaeciae (1935). Reeditado en 2020 por Morgante, Córpus dos petróglifos de Galicia, ISBN 978-84-15166-83-2.
• Sobre los orígenes y fundación de Pontevedra.
• La descendencia de Colón en Pontevedra.

Véxase tamén

Bibliografía

• "Sobrino Buhigas, Ramón". Enciclopedia Galega Universal. Ir Indo. 1999-2002. ISBN 84-7680-288-9. 

Ligazóns externas

• "Ramón Sobrino Buhigas". no Álbum da Ciencia do Consello da Cultura Galega. 
• Fandiño Veiga, Xosé Ramón. "Ramón Sobrino Buhigas". no Álbum da JAE do Consello da Cultura Galega.