Río Po

O río Po, antigamente coñecido como río Padus, transcorre ao longo de 652 quilómetros de oeste a leste, a través do norte de Italia. Na súa extensión desde os Alpes ao Mar Adriático, preto de Venecia, a súa conca hidrográfica ocupa unha área de 71.000 quilómetros cadrados.

Río Po
País	Italia
Lonxitude	652 Km
Caudal medio	1.540 m³/s
Desembocadura	Mar Adriático

Características

É o río máis longo de toda Italia e atravesa varias cidades importantes, incluíndo Turín e indirectamente Milán. Nesta última cidade ingresa nunha serie de canais denominados navigli, feito que lle dá un aspecto moi característico á zona.

En chegando ao final do seu curso, o río forma un delta con centos de illas, sendo as máis importantes Po di Maestra, Po della Pila, Po delle Tolle, Po di Gnocca e Po di Goro. Na parte sur do delta está situada Comacchio, unha zona coñecida pola existencia de anguías.

O largo val que existe ao redor do Po denomínase chaira Padana (Pianura Padana), estando tan ben conectado polo río que sobre o mesmo se desenvolveu a principal área industrial do país.

Principais afluentes

• Río Varaita (desde a marxe dereita)
• Río Maira (marxe dereita)
• Río Pellice (marxe esquerda)
• Río Dora Riparia (marxe esquerda)
• Río Stura di Lanzo
• Río Orco
• Río Dora Baltea
• Río Sesia
• Río Tanaro (marxe dereita)
• Río Scrivia (marxe dereita)
• Río Agogna (marxe esquerda)
• Río Ticino (marxe esquerda)
• Río Lambro (marxe esquerda)
• Río Trebbia (marxe dereita)
• Adda (marxe esquerda)
• Río Nure (marxe dereita)
• Río Arda (marxe esquerda)
• Río Taro (margxe esquerda)
• Río Parma (marxe esquerda)
• Río Enza (marxe esquerda)
• Río Oglio (marxe esquerda)
• Río Mincio (marxe esquerda)
• Río Secchia (marxe dereita)
• Río Panaro (marxe dereita)