Río Grande, ría de Ribadeo

Río Grande, ría de Ribadeo
	Desembocadura do río Grande na ría de Ribadeo.
Tipo	río
Inicio
División administrativa	Provincia de Lugo, España
Localización	A Fórnea
Final
División administrativa	Ribadeo, España
Localización	Ría de Ribadeo
	43°30′N 7°04′O / 43.5, -7.06
Características
Dimensións	22 () km ;
Medicións
Caudal	1,4 m³/s

O río Grande é un río da provincia de Lugo.

Curso

Nace como rego de Lexoso nos montes de Trabada, preto da aldea da Fórnea (43°28′8″N 07°12′54″O / 43.46889, -7.21500). Fai unha pequena incursión no concello de Barreiros (atravesando a parroquia de Vilamartín Pequeno e pasando pola de Cabarcos) e atravesa o de Ribadeo, regando as parroquias de Arante e A Devesa (onde se atopa o encoro de Vilamariz sobre o rego de Lexoso), Covelas, Cedofeita, Vilausende e Ove^[1]. No barrio da Ponte, entre as parroquias de Arante e Covelas, únense o rego de Lexoso e o rego de Arante, chamándose a partir de aí río Grande. Finalmente desemboca na marxe esquerda da ría de Ribadeo. Ten unha achega anual media de 43 Hm³/ano^[2].

Afluentes

Os seus principais afluentes son o río Noceda e o río Pequeno pola esquerda (este último acólleo na súa desembocadura) e o rego de Arante pola dereita (43°29.78′N 07°8.53′O / 43.49633, -7.14217), lugar onde colle o nome de río Grande, despois de denominarse río (ou rego de) Lexoso, constituído a partir do rego de Porto Bragán (ó xuntarse co rego das Teixeiras) e este, a partir do rego da Fórnea (ó xuntarse co rego de Cambite).^[1]

Servizos

Mediante o encoro de Lexoso contribúe á subministración de auga potable a Ribadeo.

Hidronimia

Algunhas fontes cartográficas intercámbianlle os nomes aos ríos Grande e Lexoso ou Grande e Arante dende os seus nacementos até o lugar da súa confluencia na Ponte na parroquia de Covelas.

Galería de imaxes

Ordenadas de nacemento a desembocadura:

Ponte sobre o rego de Lexoso, na división entre Ribadeo (Remourelle, ó fondo) e Barreiros (a uns 4,5 km do seu nacemento)
Vella ponte no rego de Lexoso
Vista do Pozo Mouro, no rego Lexoso, en Ribadeo (a uns 6 km do nacemento)
Encoro de Lexoso, na confluencia do rego de Lexoso co rego de Noceda
Vella ponte de Arante, destruída pola riada de 2010
O río Lexoso (dereita da foto) e rego de Arante (fondo dereita) forman o río Grande (esquerda).
Vista do val do río Grande, lugares de Sa, Somo e Marelle (Covelas, Ribadeo) dende o p.k. 14,5 aprox da LU-133.
Ponte da vella liña Ribadeo -Vilaoudriz xa na desembocadura do río Grande

Notas

↑ ^1,0 ^1,1 "VisorSigPac". sigpac.mapa.es. Arquivado dende o orixinal o 10 de setembro de 2010. Consultado o 2017-01-20.
↑ "FICHA ESTACIÓN DE AFORO Nº 430 - GRANDE RIBADEO" (PDF). Augas de Galicia. Arquivado dende o orixinal (PDF) o 07/11/2017. Consultado o 18/3/2017.

Véxase tamén

Outros artigos

Ríos de Galicia

[:0-1] 1,0 ^1,1 "VisorSigPac". sigpac.mapa.es. Arquivado dende o orixinal o 10 de setembro de 2010. Consultado o 2017-01-20.

[2] "FICHA ESTACIÓN DE AFORO Nº 430 - GRANDE RIBADEO" (PDF). Augas de Galicia. Arquivado dende o orixinal (PDF) o 07/11/2017. Consultado o 18/3/2017.

[1]

[2]