Río Chari

O Chari (en árabe نهر شاري Bahr Xari, valendo bahr por "río") é un río da África Central, que verte as súas augas no lago Chad, despois de percorrer 1.200 km.

Río Chari
Vista do Chari
País	República Centrofricana, Camerún, Chad
Nacemento	Mbala
Lonxitude	1.200 km
Conca	548.747 km2
Caudal medio	537 m3/s
Desembocadura	Lago Chad
A bacía do río Chari.

Descrición

O Chari nace na República Centroafricana, cerca da localidade de Mbala, e logo de atravesar o Chad, con percorrido sinuoso, desemboca no lago Chad. O caudal que o Chari desauga representa o 90 % das contribucións hídricas do lago. Na última parte do seu curso, desde a cidade de Ndjamena, o Chari marca a fronteira entre o Chad e o Camerún. A súa conca cobre unha área de 548.747 km2.

O Chari é a fonte dunha importante actividade pesqueira. O peixe máis abundante é a perca do Nilo.

Afluentes

Os tributarios principais do Chari son:

• Pola marxe dereita:
  • Bangoran.
  • Bahr Aouk.
  • Bahr Keita.
  • Bahr Salamat.
• Pola beira esquerda:
  • Gribingui.
  • Bamingui.
  • Ouham ou Bahr Sara.
  • Logone.

Brazos

No seu curso, o río crea varias correntes secundarias ou brazos, dos que cómpre destacar os seguintes:

• Bahr Erguig.
• Bahr Gatamaro.
• Bahr Ligna.
• Batha du Lairi.
• Bahr Biher.
• Serbeouel.
• Taf-Taf.
• Eredir.

Localidades que atravesa

Ás beiras do Chari fican as seguintes localidades a destacar:

• Sarh.
• Guelendeng.
• Ndjamena.