Puzzle (álbum de Amiina)
Puzzle é o segundo álbum de estudio da banda islandesa de post-rock Amiina, publicado o 27 de setembro de 2010 a través do selo Amínamúsík Ehf. Este disco ten referencias do EP do grupo Re Minore, ao ser os temas "Ásinn", "Púsl" e "Sicsak" versións reelaboradas dos temas "Ásinn", "Þristurinn" e "Tvisturinn" dese lanzamento. Ademais, o tema "Mambó" é unha versión reelaborada de "Ammælis", do sinxelo "Seoul".
| Puzzle | ||||
|---|---|---|---|---|
| Álbum de Amiina | ||||
| Publicado | 27 de setembro de 2010 | |||
| Xénero(s) | post-rock | |||
| Selo(s) | Amínamúsík Ehf. | |||
| Cronoloxía | ||||
| ||||
| Na rede | ||||
    | ||||
| [ editar datos en Wikidata ] | ||||
Como parte do paquete de reserva do disco a banda publicou un vídeo do grupo tocando o tema "Glámur" do seu anterior álbum, Kurr, no Reykjavík Arts Festival de 2008. Este concerto foi a primeira actuación do cuarteto orixinal con Magnús Trygvason Eliassen e Kippi Kaninus (Guðmundur Vignir Karlsson), marcando o inicio da súa colaboración.
Editáronse dous sinxelos co álbum: "Over & Again" publicouse no mes de maio de 2010 en CD e incluía tamén unha remestura de "Hemipode", realizada por Kippi Kaninus (orixinalmente do EP AnimaminA), e "What are we waiting for?", editado no mes de setembro como sinxelo dixital cos temas "What are we waiting for?", "Blauwber" e "Nebula".
Listaxe de cancións
editar| N.º | Título | Duración |
|---|---|---|
| 1. | "Ásinn" | 5:34 |
| 2. | "Over & Again" | 3:39 |
| 3. | "What are we waiting for?" | 5:28 |
| 4. | "Púsl" | 6:14 |
| 5. | "In the Sun" | 4:18 |
| 6. | "Mambó" | 4:56 |
| 7. | "Sicsak" | 6:55 |
| 8. | "Thoka" | 3:57 |