Punxín

Punxín é un concello da provincia de Ourense, pertencente á comarca do Carballiño. Segundo o padrón municipal, en 2014 tiña 749 habitantes (956 en 2003). O seu xentilicio (véxase no Galizionario) é punxinés.

Punxín
Casa do concello
Situación
Xentilicio	punxinés
Xeografía
Provincia	Provincia de Ourense
Comarca	Comarca do Carballiño
Poboación	744 hab. (2022)
Área	17,1 km²
Densidade	43,51 hab./km²
Entidades de poboación	6 parroquias
Política (2019)
Alcalde	Manuel Vázquez Fernández (PPdeG)
Concelleiros	PPdeG: 3 PSdeG-PSOE: 2 Outros: C'S 1 , CxG 1
Eleccións municipais en Punxín
Uso do galego (2011)
Galegofalantes	67,96%
Na rede
http://www.punxin.es/
[ editar datos en Wikidata ]

Poboación

Censo total (habitantes)	749 (2014)
Menores de 15 anos	35 (4,67 %)
Entre 15 e 64 anos	411 (54,87 %)
Maiores de 65 anos	303 (40,45 %)

Evolución da poboación de Punxín   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021
2.173	2.073	2.100	1.281	945	861		801					{{{13}}}	{{{14}}}	{{{15}}}	{{{16}}}	{{{17}}}
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

O concello, de 17,1 km², abrangue seis parroquias. Está situado ao noroeste da provincia de Ourense, atravesado polo río Barbantiño.

Patrimonio

Consérvanse restos de poboados castrexos no monte de San Trocado e no castro de San Cibrao de Las, no límite co concello de San Amaro.

A igrexa de Vilela é de orixe románica, reformada no século XVIII, cunha soa nave e ábsida rectangular. Ten esculturas barrocas de San Pedro e dúas imaxes da Virxe das Dores e do Rosario, e un cáliz e un incensario de prata do século XVIII, deseñados por Piedra e Rañoi. Detrás do templo hai un cruceiro cun peto de ánimas no pé que conserva un capitel xónico.

A igrexas de Ourantes é románica, do século XII. É dunha soa nave e ten un retablo churrigueresco.

A igrexa de Punxín é do século XVII, e conserva restos góticos. No seu interior hai un sartego prerrománico, do século IX, atribuído a San Wintila. Ten unha custodia do século XVIII e unha cruz do XVII deseñada por Pescouber. No adro hai un cruceiro modernista.

A igrexa de Freás é do século XVIII, co retablo maior rococó e esculturas barrocas da Virxe das Candeas, San Roque e a Virxe das Dores. Na fachada hai unha figura gótica da Virxe co Neno.

A igrexa de Vilamoure é do século XVIII, e ten dúas obras de pratería atribuídas ao abade Miguel Pérez.

A igrexa de Barbantes é dos séculos XVIII e XIX, e no seu interior ten un retablo rococó con imaxes do barroco.

O pazo de Punxín ten a súa orixe no século XII. En Freás está o pazo do Souto.

Galería de imaxes

Artigo principal: Galería de imaxes de Punxín.

• 

  Vista xeral do Castro de San Cibrao de Las.

• 

  Rúa transversal principal de subida á porta leste da croa no castro de San Cibrao de Las.

• 

  Antecroa do Castro de San Cibrao de Las.

• 

  Monte San Trocado.

• 

  Igrexa de Santa María de Vilela.

Lugares de Punxín

Para unha lista completa de todos os lugares do concello de Punxín vexa: Lugares de Punxín.