Pulmonaria montana
| Pulmonaria montana | |||||||||||||
|---|---|---|---|---|---|---|---|---|---|---|---|---|---|
| |||||||||||||
| Clasificación científica | |||||||||||||
| |||||||||||||
| Nome binomial | |||||||||||||
| ''Pulmonaria montana'' Lej., 1811 | |||||||||||||
A Pulmonaria montana é unha especie de planta da familia das Boraginaceae.
Descrición editar
A Pulmonaria montana é unha planta herbácea perenne[1] que adoita alcanzar unha altura de 10 a 40 centímetros. O talo medra de erguido a ascendente e só ten escasos pelos glandulares.
As follas do talo son de dúas a tres veces máis longas que anchas, cunha base ancha e de 1 a 2 centímetros de anchura. Ten a face sen manchas, moi raramente tamén con manchas de cor verde clara. As follas basais, oblongo-lanceoladas, estréitanse gradualmente cara a ambos extremos e miden entre catro e seis veces máis que a súa anchura. Son de cor verde intensa. A face é rugosa con cerdas densamente erizadas.
O período de floración é principalmente en abril e maio. As flores preséntanse en espirais bastante densas, de pelos suaves e non pegañentos. As flores hermafroditas, de simetría radial, teñen cinco dentes. Os talos florais son moi curtos e cúrvanse cara a abaixo na época de frutificación. Os cinco sépalos están fusionados en forma de campá, o cáliz ten dez veas e agrándanse no froito maduro. Os pétalos, de cor avermellada ó principio e máis tarde de cor azul a púrpura escuro, están unidos tubularmente; o tubo da corola é case tan longo coma o cáliz. Só hai un círculo con cinco estames; os filamentos son moi curtos. O estigma é cefálico.
O número de cromosomas é 2n = 22 ou 24.[2]
Distribución e hábitat editar
Pulmonaria montana atópase en Francia, Alemaña, Suíza, Bélxica e Luxemburgo.[3]
Pulmonaria montana medra en bosques caducifolios mixtos, marxes de bosques e prados forestais. Desenvólvese mellor en chans frescos, ás veces encharcados, arxilosos e limosos.[2]
Notas editar
- ↑ Knolliges Lungenkraut. En: BiolFlor, der Datenbank biologisch-ökologischer Merkmale der Flora von Deutschland.
- ↑ 2,0 2,1 Erich Oberdorfer: Pflanzensoziologische Exkursionsflora für Deutschland und angrenzende Gebiete. Unter Mitarbeit von Angelika Schwabe und Theo Müller. 8., stark überarbeitete und ergänzte Auflage. Eugen Ulmer, Stuttgart (Hohenheim) 2001, ISBN 3-8001-3131-5, S. 786.
- ↑ Benito Valdés, 2011: Boraginaceae.: Datenblatt Pulmonaria montana In: Euro+Med Plantbase - the information resource for Euro-Mediterranean plant diversity.
Véxase tamén editar
Wikimedia Commons ten máis contidos multimedia na categoría: Pulmonaria montana  |
Ligazóns externas editar
- Floraweb.de (en alemán)