Provincia da Pampa
| |||
| Capital poboación (ano) |
Santa Rosa 105.312 habitantes (2010) | ||
.svg)
| |||
| Gobernador | Sergio Ziliotto (PJ) | ||
| Superficie | 143.440 km² | ||
| Poboación Densidade |
316.940 hab.(2010) 2,21 hab./km² | ||
| Xentilicio | pampeiro/a[1] | ||
A provincia da Pampa[1] é unha das 23 provincias da Arxentina. Ten unha poboación de 316.940 habitantes (2010) e a súa capital é Santa Rosa. Limita ao oeste coa provincia de Mendoza, ao sur co río Colorado que a separa da provincia de Río Negro, ao leste coa de Buenos Aires e ao norte con San Luis e Córdoba. Os límites das provincias da Pampa, Río Negro, Mendoza e Neuquén, atópanse nun punto, na intersección do río Colorado coa traza errónea do meridiano X Oeste de Buenos Aires (68º 15' O).
Trátase dunha das provincias máis novas do país, xa que foi recoñecida politicamente en 1952. Até ese ano foi un Territorio Nacional (Territorio Nacional da Pampa), que debido á lei Nº 14037 sancionada na cámara de deputados, o Territorio Nacional da Pampa, xunto ao Territorio Nacional del Chaco transformáronse en provincias pola promulgación de Juan Domingo Perón (entón presidente da Arxentina).
Sitúase no centro do país, contendo as últimas características da pampa húmida (cara ao noroeste), con signos distintivos da Patagonia cara ao oeste e sur, e entre eles unha gran franxa con orientación noroeste-sueste denominada «caldenal», zona que alberga bosques de caldén, unha árbore que conta nesta provincia co seu centro de dispersión mundial.
GobernoEditar
División administrativaEditar
A provincia atópase dividida en 22 departamentos, 58 municipios, 21 comisións de fomento e un ente comunal. Os municipios e comisións de fomento son independentes dos departamentos e en xeral abarcan territorios de máis dun, chegando nun caso a catro.
- Atreucó (Macachín)
- Caleu Caleu (La Adela)
- Capital (Santa Rosa)
- Catriló (Catriló)
- Chalileo (Santa Isabel)
- Chapaleufú (Intendente Alvear)
- Chical Co (Algarrobo del Águila)
- Conhelo (Eduardo Castex)
- Curacó (Puelches)
- Guatraché (Guatraché)
- Hucal (Bernasconi)
- Lihuel Calel (Cuchillo-Có)
- Limay Mahuida (Limay Mahuida)
- Loventué (Victorica)
- Maracó (General Pico)
- Puelén (25 de Mayo)
- Quemú Quemú (Quemú Quemú)
- Rancul (Parera)
- Realicó (Realicó)
- Toay (Toay)
- Trenel (Trenel)
- Utracán (General Acha)
NotasEditar
- ↑ 1,0 1,1 Definicións no Dicionario da Real Academia Galega e no Portal das Palabras para pampeiro.