Abrir o menú principal

Providenciales, coñecida localmente como "Provo", é unha illa pertencente ás Illas Turks e Caicos. Ten unha extensión de 98 km² e nela viven 23.769 persoas,[1] sendo a illa con máis poboación e a terceira en extensión do país. Con extensas praias e arrecife de coral é un destino turístico de luxo, se enorgullece de contar con 350 días de sol ao ano.

Providenciales
Turtle Cove Providenciales Beach.jpg
Enseada das tartarugas na praia de Providenciales
Turks caicos islands sm04.png
Localización da illa
Situación
PaísReino Unido Reino Unido
MarMar Caribe
Coordenadas21°47′N 72°17′O / 21.783, -72.283Coordenadas: 21°47′N 72°17′O / 21.783, -72.283
Xeografía
Superficie98 km²
Longura máxima23´4 km.
Largura máxima12´9 km.
Punto máis alto49 m. Blue Hills
Demografía
Poboación23.769 (2012)
Densidade243 hab./km²

Providenciales antes de 1960 só contaba cuns 500 habitantes. en 1966 unha empresa arrendoulle as terras ao Estado. Como resultado, a illa Providenciales é a máis poboada e desenvolvida das illas Turks e Caicos. Provo é o centro comercial e turístico da zona. O aeroporto internacional de Providenciales é o máis grande aeroporto internacional das illas Turks e Caicos, servindo as cinco illas.

As cidades máis grandes de Providenciales son Five Cays, Honda Road, The Bight e Wheeland.

TransporteEditar

 
Aeroporto Internacional de Providenciales
 
Hotel do aeroporto de Turks e Caicos

A illa está servida polo Aeroporto Internacional de Providenciales.[2]

Non hai transporte público na illa.[3]

En 1964, Providenciales non tiña vehículos motorizados e tamén carecia de estradas, auga, teléfonos e electricidade. O investidor orixinal, Provident Ltd, tiña voos lanzadeira desde Florida (para un programa de compra de inmobles) dúas veces por semana nun avión DC-3 da Segunda Guerra Mundial e o único hotel era o Third Turtle Inn construído por eles en 1967.[4]

EconomíaEditar

Tras un gran investimento en Grace Bay Beach por Club Med, o primeiro gran complexo de hotel e casino da illa abriuse en 1984 e iniciou o boom do desenvolvemento. Os resorts inclúen o Ocean Club, Turquoise Reef (actualmente Seven Stars), North Beach (agora Beaches) e Grace Bay Club. Desde o ano 2000, Provo é a máis orientada ao turismo e desenvolvida das Illas Turks e Caicos, con moitos hoteis turísticos e un campo de golf de 18 buratos.[5] A illa popularizouse recentemente con xubilados de todo o mundo, provocando un boom do desenvolvemento residencial. Grace Bay viu moitos condominios de luxo construídos nas súas costas. Non obstante, os asentamentos nativos aínda proporcionan un toque local á illa.

Atraccións para visitantesEditar

O mergullo é de clase mundial debido ao arrecife de coral que rodea a illa.[6]

A illa está preto dunha ruta de migración común dos xibardos. Providenciales está rodeado de caios deshabitados aos que se chega facilmente en embarcación ou excursións.

Os resorts de Providenciales están principalmente centrados nos 8 km. de Grace Bay. Ademais das praias, o encanto da illa está nos seus outeiros e cristas escarpadas, que están alfombradas con cactus e matogueiras (Dise que Turks e Caicos reciben o seu nome do cactus da cabeza de turco común nas illas)[7].

Long Bay Beach, no lado sur a barlovento da illa aínda está en gran parte sen desenvolver, salvo un gran resort de luxo na punta norte da praia. Debido ao seu vento constante e a estar relativamente illado, Long Bay Beach está a converterse rapidamente nun destino de kitesurf no Caribe.[8]

Grace Bay converteuse nun importante destino turístico con moitos hoteis e condominios construídos á beira da praia. Comezando co Club Med en 1984 e Grace Bay Club en 1993, o desenvolvemento continuou a finais dos noventa con The Sands, Point Grace e Ocean Club West, e de novo nos anos 2000 con The Palms (antes Regent Palms), Gansevoort e West Bay Club.

Fóra de Grace Bay, construíuse Amanyara nos anos 2000 na illada zona do noroeste e o Shore Club abriuse en 2017 na Long Bay Area.[9]

As oportunidades para facer turismo e camiñar son razoables. Hai restos de piratería caribeña en Osprey Rock e Sapodilla Hill, e tamén son notables as ruínas de Cheshire Hall, a casa pricipal dunha plantación de 1790 construída por lealista británicos.

EcoloxíaEditar

 
Chalk Sound

A metade occidental de Providenciales é maioritariamente árida, sede do mellor atractivo natural da illa, o parque nacional de Chalk Sound. O parque é unha longa baía de 4´8 km. ao suroeste do centro da cidade. A cor da auga é un azul turquesa uniforme e con infinidade de illotes parecidos a un champiñón. Tamén na parte occidental da illa atópase o parque nacional mariño Northwest Point, que se estende ata os arrecifes próximos e varios lagos salinos que atraen aves acuáticas reprodutoras e migrantes.

LocalidadesEditar

 
Centro comercial de Providenciales

A estrada principal, a autoestrada, vai de leste a oeste desde o centro ata Sotavento. A maioría dos servizos da illa están preto da estrada, incluíndo prazas comerciais.

As comunidades de Downtown e Kew Town están situadas preto do aeroporto internacional de Providenciales. A cidade de Wheeland está na esquina noroeste da illa.

Antes de que Provo se convertese nun popular destino turístico, había tres pequenos centros de poboación: Blue Hills, The Bight (na Grace Bay) e Five Cays. Agora construíronse moitas casas, principalmente no leste e sur, con comunidades máis grandes en Leeward, Long Bay e Chalk Sound, así como a expansión dos tres asentamentos orixinais. Tamén hai focos de barracas improvisadas entre as residencias de máis luxo.

ImaxesEditar

A autoestrada de sotavento 
A autoestrada de sotavento 
mangleiros de Providenciales 

NotasEditar

  1. 2012 Census of Turks & Caicos Islands.
  2. "Getting to Providenciales". Visit Turks and Caicos Islands (en inglés). Consultado o 2019-05-03. 
  3. "Getting Around Providenciales". Visit Turks and Caicos Islands (en inglés). Consultado o 2019-05-03. 
  4. Discover Magazine 2014 "Archived copy". Arquivado dende o orixinal o 21 de novembro de 2014. Consultado o 2014-11-22. 
  5. Murray, Lorraine (10 de agosto de 2015). "Providenciales". Encyclopædia Britannica. Encyclopædia Britannica, inc. Consultado o 4 de maio de 2019. 
  6. "Turks & Caicos Coral Reef Facts". Turks and Caicos Reef Fund (en inglés). Consultado o 2019-05-03. 
  7. "Turks and Caicos Islands". Encyclopædia Britannica. Encyclopædia Britannica, inc. 31 de xaneiro de 2019. Consultado o 4 de maio de 2019. 
  8. "Photos of Kiteboarding and Windsurfing on Long Bay Beach". Consultado o 12 de xullo de 2015. 
  9. "Travel Agent" (PDF). Travel Agent. maio de 2017. Consultado o 3 de maio de 2019. 

Véxase taménEditar

Ligazóns externasEditar