Procés Constituent a Catalunya
Procés Constituent a Catalunya (Proceso Constituínte en Cataluña) é un movemento social e independentista catalán, feito público o 10 de abril de 2013 e creado para promover un cambio de modelo político, económico e social que implique o fin do capitalismo e a independencia de Cataluña.[1]
Procés Constituent a Catalunya | |||
---|---|---|---|
![]() | |||
Tipo | partido político catalán ![]() | ||
Ideoloxía política | anticapitalismo e Independentismo catalán ![]() | ||
Personalidades | |||
Persoas relevantes | Teresa Forcades e Arcadi Oliveres ![]() | ||
Data | |||
Fundación | 11 de abril de 2013 ![]() | ||
Localización | |||
Sede | Espai Co.bas (en) ![]() ![]() | ||
Contacto | |||
Páxina WEB | procesconstituent.cat ![]() | ||
Redes | ![]() ![]() ![]() ![]() ![]() | ||
[ Wikidata ] |
Historia
editarOs seus promotores iniciais foron Arcadi Oliveres e Teresa Forcades, que publicaron o Manifesto pola convocatoria dun proceso constituínte en Cataluña coa intención de que se adherise o máximo número posible de persoas ao proxecto.[2][3] Nos primeiros nove días recibiron 25.000 adhesións.[4]
O 13 de outubro de 2013 realizaron o acto central de presentación en Montjuïc, onde asistiron ao redor de 4.000 persoas.[5]
Eleccións
editarA intención dos promotores da iniciativa é articular unha candidatura o máis ampla posible para os próximas eleccións ao Parlamento de Cataluña, co obxectivo de defender a convocatoria dunha asemblea constituínte para definir un novo modelo de estado e de organización socioeconómico para Cataluña.[3]
En xullo de 2014 sumouse ao proxecto da plataforma Guanyem Barcelona para intentar formar unha candidatura unitaria e rupturista nas eleccións municipais de 2015 na capital catalá.[6] O proxecto concretouse en febreiro de 2015 baixo a marca Barcelona en Comú e a confluencia de ICV, EUiA, Equo, Podem e o propio Procés Constituent. Na lista, encabezada por Ada Colau como alcaldable, figuran varios activistas de Procés Constituent como Gerardo Pisarello (número 2), Jaume Asens (4) e Josep Bel (13).[7] A formación foi a lista máis votada nas eleccións.
Notas
editar- ↑ Teresa Forcades e Arcadi Oliveres entran en política. 10 de abril de 2013, tv3.cat
- ↑ http://www.tv3.cat/actualitat/523960/Les-frases-mes-destacades-de-Forcades-i-Oliveres-a-Singulars
- ↑ 3,0 3,1 http://ccaa.elpais.com/ccaa/2013/04/10/catalunya/1365622364_058037.html
- ↑ http://www.ara.cat/politica/Teresa_Forcades-Arcadi_Oliveres-Proces_Constituent_0_908309336.html
- ↑ http://ccaa.elpais.com/ccaa/2013/10/13/catalunya/1381686686_893645.html
- ↑ Ara, ed. (30 de xullo de 2014). "Guanyem xa debate os principios éticos da candidatura con ICV, EUiA, Procés Constituent e Podem".
- ↑ La Vanguardia, ed. (20 de febreiro de 2015). "A lista de Colau inclúe a Pisarello, Laia Ortiz, Jaume Asens e Janet Sanz na cabeza".