Primeira División de Chile
O Primeira División de Chile é a competición de máximo nivel da liga profesional de fútbol que se disputa en Chile, organizado pola Asociación Nacional de Fútbol Profesional, organismo que pertence á Federación de Fútbol de Chile. Recibe o nome de Campionato Nacional Petrobras de Primeira División por mor do seu patrocinador principal.
| Primeira División de Chile | |
|---|---|
| Fundación | 1933 |
| Rexión |  Chile |
| Equipos | 18 |
| Actual campión | U. de Chile (15º título) |
| Máis laureado | Colo-Colo (29) |
| Sitio web | Páxina oficial |
O torneo fundouse o 31 de maio de 1933, e até o ano 2011 lévanse disputadas 78 tempadas. Os clubs máis laureados na historia do campionato son o Colo-Colo (29 títulos), o Universidad de Chile (15 títulos) e o Universidad Católica (10 títulos), ámbolos 3 clubs da cidade de Santiago de Chile. O primeiro campión foi o Club Deportivo Magallanes, mentres que o campión actual é o Universidad de Chile.
A orixe do torneo foi a liorta entre os clubs da capital chilena que querían o profesionalismo e os que non o querían. Os defensores do profesionalismo crearon esta competición, que nos seguintes anos acolleu tamén ó resto do clubs. En 1937 debutou tamén o primeiro equipo de fora da capital, pasando a ser un campionato nacional. Na actualidade 6 dos 18 equipos da Primeira División de Chile son da Rexión Metropolitana de Santiago de Chile, pero polo xeral trátase dun campionato no que están representadas tódalas rexións do país.
Tanto os dous campións dos torneos Apertura e Clausura, como o terceiro equipo con máis puntos, acadan un posto para disputar a Copa Libertadores do ano seguinte.
Equipos 2012 editar
Os seguintes 18 equipos competirán polo campionato na tempada 2012:
2.png){kind=small}
.png){kind=small}
Palmarés editar
O palmarés da liga está dominado polos 3 grandes clubs clásicos da cidade de Santiago de Chile:
| Nº títulos |
Equipo | Campionatos obtidos |
|---|---|---|
| 29 |  Colo-Colo
|
1937, 1939, 1941, 1944, 1947, 1953, 1956, 1960, 1963, 1970, 1972, 1979, 1981, 1983, 1986, 1989, 1990, 1991, 1993, 1996, C-1997, 1998, C-2002, A-2006, C-2006, A-2007, C-2007, C-2008, C-2009 |
| 15 | Universidad de Chile
|
1940, 1959, 1962, 1964, 1965, 1967, 1969, 1994, 1995, 1999, 2000, A-2004, A-2009, A-2011, C-2011 |
| 10 | Universidad Católica
|
1949, 1954, 1961, 1966, 1984, 1987, A-1997, A-2002, C-2005, 2010 |
| 8 |  Cobreloa
|
1980, 1982, 1985, 1988, 1992, A-2003, C-2003, C-2004 |
| 6 | Unión Española
|
1943, 1951, 1973, 1975, 1977, A-2005 |
| 4 | Audax Italiano
|
1936, 1946, 1948, 1957 |
| 4 | Magallanes
|
1933, 1934, 1935, 1938 |
| 4 |  Everton
|
1950, 1952, 1976, A-2008 |
| 3 |  Santiago Wanderers
|
1958, 1968, 2001 |
| 2 | Palestino
|
1955, 1978 |
| 1 | Santiago Morning
|
1942 |
| 1 | Green Cross†
|
1945 |
| 1 |  Unión San Felipe
|
1971 |
| 1 |  -- Huachipato
|
1974 |
† = Equipo desaparecido.