Abrir o menú principal
Pregnenolona.
Número CAS: 145-13-1.
Nome IUPAC: 3β-hidroxipregn-5-en-20-ona.
Modelo da pregnenolona.

A pregnenolona [1] é unha hormona esteroide que intervén como intermediario na ruta de síntese da proxesterona, mineralocorticoides, glicocorticoides, andróxenos, e estróxenos, polo que se considera unha prohormona.

A pregnenolona sulfato é antagonista do receptor GABAB [2] e incrementa a neuroxénese no hipocampo.[3][4]

QuímicaEditar

Igual ca os outros esteroides, a pregnenolona consta de catro aneis de hidrocarburos interconectados. Contén os grupos funcionais hidroxilo e cetona, dúas cadeas etilo, e un dobre enlace no carbono 5 do anel B. É un esterol, cun OH no C3.

Como todas as hormonas esteroides, a pregnenolona é un composto hidrofóbico. Polo contrario, o seu derivado esterificado, a pregnenolona sulfato, é soluble en auga.

SínteseEditar

 
Reacción: Pregnenolona-Proxesterona
 
Metabolismo da pregnenolona.
 
Esteroidoxénese, na que se mostra a pregnenolona na parte superior esquerda.

A pregnenolona sintetízase a partir do colesterol. Esta transformación implica a hidroxilación na cadea lateral nas posicións C20 e C22, e a escisión final da cadea lateral. O encima que realiza esta tarefa é o citocromo P45011a1, que forma parte da superfamilia do citocromo P450, e que está localizado na mitocondria, e é controlada polas hormonas trópicas da hipófise, como a ACTH, FSH e LH.

ProhormonaEditar

A pregnenolona metabolízase orixinando varias hormonas nalgunha das seguintes tres maneiras:

NeuroesteroideEditar

A pregnenolona e o seu sulfato, igual que a deshidroepiandrosterona e o seu sulfato e a proxesterona, pertencen ao grupo dos esteroides neuroactivos ou neuroesteroides, que se encontran en altas concentracións en certas partes do cerebro, e son sintetizados alí. Os neuroesteroides afectan ao funcionamento sináptico, son neuroprotectores, e melloran a mielinización. Está investigándose o potencial para mellorar o funcionamento cognitivo e a memoria da pregnenolona e o seu éster de sulfato.[5]

A pregnenolona sulfato activa as canles iónicas do receptor potencial transitorio M3 en hepatocitos e illotes pancreáticos causando a entrada de calcio e a posterior liberación de insulina.[6]

Supresión hipofisariaEditar

Todos os corticosteroides teñen numerosas e variadas accións farmacolóxicas. En humanos, unha única dose ou un uso a curto prazo (varios días) practicamente non ten efectos nocivos. Porén, o uso prolongado de corticosteroides podería orixinar a supresión da función hipofisaria (ou pituitaria). A dose limiar diaria para que se dea este efecto é de aproximadamente 0,5 mg para un individuo de 50 kg.[7]

NotasEditar

  1. PubChem compound Pregnenolone
  2. http://www.ncbi.nlm.nih.gov/pubmed/10350561
  3. Pregnenolone sulfate enhances neurogenesis and PSA... [Neurobiol Aging. 2005] - PubMed result [Internet]. [cited 2010 May 10]. PMID 15585350
  4. Mayo, W; Lemaire, V; Malaterre, J; Rodriguez, Jj; Cayre, M; Stewart, Mg; Kharouby, M; Rougon, G; Le, Moal, M; Piazza, Pv; Abrous, Dn (2005). "Pregnenolone Sulfate Enhances Neurogenesis and Psa-Ncam in Young and Aged Hippocampus". Neurobiology of Aging 26 (1): 103–14. PMID 15585350. doi:10.1016/j.neurobiolaging.2004.03.013. 
  5. Vallée M, Mayo W, Le Moal M (2001). "Role of pregnenolone, dehydroepiandrosterone and their sulfate esters on learning and memory in cognitive aging.". Brain Res Brain Res Rev 37 (1-3): 301–12. PMID 11744095. doi:10.1016/S0165-0173(01)00135-7. 
  6. Wagner TF, Loch S, Lambert S; et al. (2008). "Transient receptor potential M3 channels are ionotropic steroid receptors in pancreatic beta cells". Nature cell biology 10 (12): 1421. PMID 18978782. doi:10.1038/ncb1801. 
  7. http://datasheets.scbt.com/sc-301609.pdf