Praia das Rochas Brancas
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
A praia de Rocas Brancas, ou das Rochas Brancas, é unha praia da parroquia de Vilaselán, no concello de Ribadeo. Está situada na enseada formada pola desembocadura do río de Vilaselán no mar Cantábrico, moi preto da illa Pancha.
| Praia das Rochas Brancas | |
|---|---|
| Características xerais | |
| Localización | Ribadeo |
| Lonxitude | 115 m |
| Largo medio | 12 m |
Características
editarCunha lonxitude de 115 m e unha anchura media de 12 m, está protexida do vento polo cantil oriental da pequena península á beira do faro da illa Pancha. Secasí, a súa area branca e fina está bañada por ondas moderadas.
Non dispón de bandeira azul, equipo de salvamento, duchas nin opcións de hostalería. Existen papeleiras en diversos puntos dela para a recollida do lixo e sinalización do estado do mar. Hai lugares para aparcadoiro a menos de 500 m, o que fai que teña un grao de ocupación medio.
A situación global da praia é de carácter rústico e pode ser catalogada como virxe.