Porto de Fonte da Cova
O porto de Fonte da Cova é un porto de montaña que comunica a comarca de Cabreira (provincia de León) coa comarca de Valdeorras (provincia de Ourense). Está situado a unha altitude de 1837 m.
| ||||
| Tipo | montaña porto de montaña  | |||
|---|---|---|---|---|
| Localización | ||||
| Continente | Europa | |||
| División administrativa | provincia de León, España e Carballeda de Valdeorras, España | |||
| ||||
| Características | ||||
| Altitude | 1.850 m | |||
Acceso
editarDúas rutas permiten acceder ao porto. Desde O Barco de Valdeorras tómase a estrada N-536 até Sobradelo (8 km) e de aí a OU-122 que leva cara ao porto (25 km). Desde a parte leonesa chégase desde La Baña pola LE-126 (10 km).
Actividades
editarDesde os anos 1930 este lugar era coñecido polos pioneiros do esquí en Galicia e aquí creouse en 1975 unha pequena estación de esquí (Montañas de Trevinca, S.A.) que pechou poucos anos despois; aínda poden verse restos de dous remontes que chegaron a operar.
En 2006 inaugurouse un centro de desenvolvemento rural que comprende un hotel e un bar. Existe nas proximidades un refuxio de montaña da Federación Galega de Montañismo.
Desde o porto saen rutas de sendeirismo cara a Pena Surbia (2116 m), Pena Trevinca (2127 m), Pena Negra (2121 m), Sextil Alto, Moncalvo ou Picón.