Popstars

Popstars é unha franquía internacional de telerealidade precursora da serie Idol.

Países que contaron coa súa propia versión de Popstars

Desenvolvemento

A serie orixinouse en Nova Zelandia en 1999 cando o produtor Jonathan Dowling tivo a idea de formar un grupo de pop a partir dun concurso na televisión na que participaron rapazas de todo o país, o grupo resultante TrueBliss foi un éxito durante os dous anos nos que estivo activo. Dowling deulle a licenza do concepto a Screentime de Australia, quen llo vendeu a TresorTV de Alemaña antes de se converter nunha franquía internacional que serviu de inspiración a Pop Idol de Simon Fuller que dominou a telerealidade, xunto con Big Brother nos anos seguintes xa que aínda Popstars se emitiu con éxito en máis de trinta países, gradualmente os índices de audiencia comezaron a baixar na maioría deles a acabou desaparecendo da programación, tan só en Alemaña, onde continúa a ser un éxito masivo e no 2010 comezou a novena tempada, e nos Países Baixos onde no 2010 comezou a terceira tempada, segue a se emitir. Girls Aloud foi o dos grupos que saíron desta franquía o que máis vendeu.

Concepto

Aínda que hai variacións en cada país, polo xeral a emisión propón seguir a formación dun grupo de música pop, desde as primeiras audicións que acollen milleiros de candidatos, ata o primeiro disco e o primeiro concerto público, pasando polos estadios de canto e danza e a eliminación progresiva dos candidatos seleccionados. Nalgúns casos creábanse dous grupos, un de rapazas e outro de rapaces. Contrariamente a outros formatos o público non ten poder de decisión na marcha dos candidatos, actuando como simple espectador.