Pomacéntridos

Os pomacéntridos (Pomacentridae) son unha familia de peixes mariños incluída na suborde Labroidei, da orde dos Perciformes.

Pomacentrus pavo

A denominación da familia deriva do grego poma, cobertura (en referencia ó opérculo), e kentron, aguillón, pola liña puntiaguda que presentan na marxe do opérculo.

Morfoloxía

Corpo oval, alto e comprimido, con boca pequena e protráctil. A aleta dorsal, única, posúe 9-14 radios espiñosos (normalmente, 12-13) e 11-18 radios brandos. Na anal, 2 espiñas.

Alcanzan tamaños máximos de 35 cm.

Hábitat e bioloxía

Son especies de mares tropicais e temperados do Indopacífico, raramente de augas salobres.

É característico o seu sedentarismo e forte territorialidade, o que, unido ás chamativas cores dalgunhas especies, fai que sexan moi apreciados en acuarioloxía.

Taxonomía

A familia pomacéntridos divídese en 28 xéneros e 321 especies (FishBase).

Véxase tamén

Ligazóns externas

• Ficha en FishBase
• Ficha en World Register of Marine Species