Poñente (novela)

Poñente é unha novela en lingua catalá de Pere Tobaruela, publicada en 2009 co título orixinal de Llum de ponent. Foi traducida ao galego por Ana Boullón.

Poñente
Título orixinal	Llum de ponent
Autor/a	Pere Tobaruela
Cuberta	Miguel Vigo
Orixe	Cataluña
Lingua	Catalán
Colección	Narrativa (nº 309)
Xénero(s)	Novela
Editorial	Edicións Xerais de Galicia
Data de pub.	2009 2011
Formato	Tapa branda con lapelas; 14,5 x 22 cm Rústica cosido a fío
Páxinas	208
ISBN	ISBN 978-84-9914-309-5
Tradución	Ana Boullón
[ editar datos en Wikidata ]

Trama

Carme é unha profesora de historia catalá, que nun congreso en Italia coñece a Sarela, unha profesora universitaria galega, da que namora. As dúas comezan a investigar o papel dos empresarios cataláns da salga da sardiña na Pobra do Caramiñal a mediados do século XIX. Así, coñecen a historia de Joan Sadurní, un home que procede dunha familia labrega e que acabou xestionando as empresas máis importantes de navegación do Barbanza e que casou por amor cunha costureira galega.

Narración

A novela vai intercalando episodios ambientados na actualidade con analepses de mediados do século XIX. A trama desenvólvese principalmente na Pobra do Caramiñal, aparecendo tamén outros lugares como Santiago de Compostela, Barcelona, Sitges ou Porto.

A trama contemporánea está narrada en primeira persoa por Carme, e as analepses aparecen en terceira persoa cun narrador omnisciente. Os capítulos, cincuenta e catro, son moi curtos, e inclúen documentos ficticios como testamentos, partidas de defunción ou documentos administrativos. Amais, hai descricións aparecidas no Dicionario de Madoz e anacos de textos de autores como Xosé Cornide Saavedra ou Lisardo Barreiro.

Véxase tamén

Ligazóns externas

• Ficha Arquivado 03 de decembro de 2013 en Wayback Machine. na web da editorial