Pilar Cancela

Pilar Cancela Rodríguez, nada en Stuttgart o 21 de agosto de 1967, é unha avogada e política galega do PSdeG-PSOE.

Pilar Cancela
Nome completo	Pilar Cancela Rodríguez
Nacemento	21 de agosto de 1967
Lugar de nacemento	Stuttgart
Nacionalidade	España
Alma máter	Universidade de Santiago de Compostela
Ocupación	política
Na rede
[ editar datos en Wikidata ]

Traxectoria

Filla de emigrantes galegos en Alemaña. Retornou a Galicia para estudar Dereito na Universidade de Santiago de Compostela. É funcionaria da Xunta de Galicia dende 1993. Foi responsable do Servizo Xurídico e de Solución de Conflitos do Consello Galego de Relacións Laborais e directora xeral de Relacións Laborais (en 2003 e novamente en 2005). En 2013 foi elixida secretaria de Organización do PSdeG. Foi cabeza de lista da candidatura do PSOE pola provincia da Coruña nas catro eleccións xerais celebradas entre 2015 e novembro de 2019.

Trala dimisión de Xosé Ramón Gómez Besteiro o 18 de marzo de 2016, dirixiu a comisión xestora nomeada dende Ferraz ata a elección do novo secretario xeral do partido. En xuño de 2017 foi elixida secretaria da área de Políticas Migratorias e PSOE do Exterior na executiva de Pedro Sánchez. En xullo de 2021 foi nomeada secretaria de Estado de Cooperación Internacional.

Véxase tamén

Outros artigos

• Lista de deputados galegos no Congreso desde a Transición

Ligazóns externas

• Ficha na páxina web do Congreso dos Deputados Arquivado 01 de decembro de 2020 en Wayback Machine.
• Pilar Cancela: “Existe a posibilidade de establecer os horarios de países europeos”, entrevista en Galicia Hoxe