Pigface

Pigface é un supergrupo estadounidense de rock industrial formado no ano 1990 por Martin Atkins e William Rieflin.[1]

Pigface
Pigface 1991.jpg
OrixeChicago, Illinois, Flag of the United States.svg
Xénero(s)música industrial, rock industrial
Selo(s) discográfico(s)Invisible Records
Artistas relacionadosPublic Image Ltd., Ministry, Killing Joke, Nine Inch Nails, Skinny Puppy, King Crimson

HistoriaEditar

Pigface formouse a partir da xira de Ministry The Mind is a Terrible Thing to Taste,[2] da cal saíu o álbum e video ao vivo In Case You Didn't Feel Like Showing Up. Para a xira Al Jourgensen trouxo a Atkins, Nivek Ogre e Chris Connelly. Na xira tamñén participou Rieflin, batería habitual de Ministry na época. Aínda que Atkins gozou coa dinámica de tocar cun segundo batería, sentía que a formación era capaz de facer algo máis do que estaba a facendo, sendo chamados fercuentemente "unha banda de versións de Ministry". Unha vez rematada a xira, Atkins e Rieflin decidiron continuar traballando xuntos e recrutaron a varios dos seus compañeiros. Pigface naceu coa intención de manter un tipo de colaboración onde músicos con mente experimental puidesen participal, moitos dos cales, sobre todo ao pincipio, gravaran para o influente selo industrial Wax Trax! Records.

Trent Reznor foi tamén un dos primeiros colaboradores,[3] antes de que Nine Inch Nails se convertese nun nome familiar. "Suck", co-escrita e cantada por Reznor, foi un éxito no underground, e Reznor posteriormente regravou o tema para o EP Broken.

Rieflin deixou Pigface despois da primeira xira, deixando a Atkins como único fundador de Pigface. Con centos de colaboradores musicias para gravar e actuar con Pigface, era seguro que cada álbum, xira e canción era única. Porén, esta práctica recibíu algunhas críticas negativas debido a que se percibía unha falta de continuidade.

En 2009 Full Effect Records, un selo baseado en Detroit, anunciou a fichaxe de Pigface.[4] O seu álbum 6, unha colección de cancións gravadas durante os cinco anos anteriores, publicouse pouco despois do anuncio. A diferenza dos seus anteriores lanzamentos, a banda non realizou ningunha xira para promocionar o álbum.

Tras unha pausa de sete anos, Pigface regresou para dous concertos en Chicago en novembro de 2016. O primeiro foi un concerto de ensaio en Reggie o día 24 de novembro, e no día seguinte a banda tocou no House of Blues. Nas dúas actuacións actuaron varios dos primeiros membros da banda, ademais de tocar Lesley Rankine, En Esch, Mary Byker, Curse Mackey, Dirk Flannigan e Fallon Bowman.

Varias bandas relacionadas con Pigface, todas elas con Martin Atkins como membro común, publicaron álbums durante o tempo no que o grupo estivo activo. Entre esas bandas atópanse Murder, Inc., The Damage Manual, Ritalin, Martin Atkins And The Chicago Industrial League, Spasm, e The Love Interest.

En marzo de 2019 Atkins anunciou que Pigface xiraría novamente tras 14 anos realizando trece concertos nos Estados Unidos no mes de novembro dese ano.[5] O 12 de febreiro de 2020 anunciouse unha xira nacional máis extensa que tería lugar entre maio e xullo dese ano. Porén, o 2 de abril Atkins anunciou que a xira quedaba cancelada por mor da pandemia por coronavirus.

Rieflin morreu de cancro o día 24 de marzo de 2020 ao 59 anos de idade.[6]

DiscografíaEditar

ÁlbumsEditar

Álbum Ano Selo
Gub 1991 Invisible Records
Fook 1992 Invisible Records
Notes from Thee Underground 1994 Invisible Records
A New High in Low 1997 Invisible Records
Easy Listening... 2003 Underground Inc.
6 2009 Full Effect Records

NotasEditar

  1. The rough guide to rock (3rd ed., expanded and completely rev ed.). London: Rough Guides. 2003. ISBN 978-1-84353-105-0, 1-85828-457-0, 978-1-85828-457-6 |isbn= incorrecto: invalid character (Axuda). OCLC 59305933. 
  2. "Pigface | Biography, Albums, Streaming Links". AllMusic (en inglés). Consultado o 2020-07-08. 
  3. Reed, S. Alexander. (2013). Assimilate : a Critical History of Industrial Music. Oxford: Oxford University Press, USA. ISBN 978-0-19-933962-4. OCLC 870244154. 
  4. "Pigface return with '6' - Pigface free links at SIDE-LINE.COM". web.archive.org. 2012-03-29. Consultado o 2020-07-09. 
  5. Atkins, Martin; Atkins, Martin. "2019 Tour". Martin Atkins (en inglés). Arquivado dende o orixinal o 07 de novembro de 2020. Consultado o 2020-07-09. 
  6. Aswad, Jem; Aswad, Jem (2020-03-25). "Bill Rieflin, Drummer for King Crimson, Ministry, R.E.M., Dies at 59". Variety (en inglés). Consultado o 2020-07-09.