Photorhabdus luminescens
| Photorhabdus luminescens | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Photorhabdus luminescens (Thomas et Poinar, 1979) Boemare et al. 1993 emenda.[1] | |||||||||||||||
| Sinonimia | |||||||||||||||
|
Xenorhabdus luminescens | |||||||||||||||
Photorhabdus luminescens (antes chamado Xenorhabdus luminescens) é unha especie de gammaproteobacterias da familia Morganellaceae, que é un patóxeno letal dos insectos.
Vive no intestino dun nematodo entomopatóxeno da familia Heterorhabditidae. Cando o nematodo infecta un insecto, P. luminescens libérase na hemolinfa e rapidamente mata o insecto hóspede (en 48 horas) ao producir toxinas, como o complexo proteico insecticida de alto peso molecular Tca.[2] P. luminescens tamén produce unha toxina proteica pola expresión dun só xene chamado mcf (do inglés makes caterpillars floppy).[3]
Tamén segrega uns encimas que degradan o corpo do insecto infectado e bioconvérteno en nutrientes, que poden utilizarse tanto polo nematodo coma polas bacterias. Deste modo, ambos os organismos teñen nutrientes suficientes para replicarse/reproducire varias veces. As bacterias entran na proxenie do nematodo a medida que se desenvolven.
P. luminescens, o simbionte bacteriano do nematodo Heterorhabditis megidis, produce 3,5-dihidroxi-4-isopropil-trans-estilbeno. Os experimentos con larvas infectadas do lepidóptero Galleria mellonella apoian a hipótese de que este composto ten propiedades antibióticas que axudan a minimizar a competición con outros microorganismos e impide a putrefacción do cadáver do insecto infectado polo nematodo.[4]
Bioluminescencia editar
P. luminescens é bioluminescente; porén, a razón disto non se comprende ben.
Informouse que a infección por esta bacteria de feridas de soldados da guerra civil americana na batalla de Shiloh causaba que a ferida resplandecese, e isto axudaba á supervivencia dos soldados debido á produción de antibióticos por P. luminescens.[5][6] Este fenómeno recibiu a denominación informal de "resplandor do anxo."[7]
Non hai informes contemporáneos deste fenómeno, o que significa que podería ser un mito ou ben que as condicións que había daquela, como baixa iluminación, abundancia de sangue, permanecer un tempo no campo de batalla, presenza de vexetación específica, chuvia e humidade, e o tempo que se tardaba en organizar a evacuación médica permitían que se producise o fenómeno, pero non ocorre nas condicións actuais moi diferentes.[8][9]
Xenoma editar
O xenoma de P. luminescens foi secuenciado. Contén unha proteína MACPF; porén, esta molécula parece non ser lítica.[10] Tamén contén o xene do ARN gcvB que codifica un pequeno ARN non codificante implicado na regulación de varios sistemas de transporte de aminoácidos así como xenes para a biosíntese de aminoácidos.
A deleción do xene hfq causa a perda da produción de metabolitos secundarios.[11]
Notas editar
- ↑ Boemare, N. E.; Akhurst, R. J.; Mourant, R. G. (1993). "DNA Relatedness between Xenorhabdus spp. (Enterobacteriaceae), Symbiotic Bacteria of Entomopathogenic Nematodes, and a Proposal to Transfer Xenorhabdus luminescens to a New Genus, Photorhabdus gen. Nov". International Journal of Systematic Bacteriology 43 (2): 249. doi:10.1099/00207713-43-2-249.
- ↑ Blackburn, MB; Domek, JM; Gelman, DB; Hu, JS (2005). "The broadly insecticidal Photorhabdus luminescens toxin complex a (Tca): Activity against the Colorado potato beetle, Leptinotarsa decemlineata, and sweet potato whitefly, Bemisia tabaci". Journal of Insect Science 5: 32. PMC 1615239. PMID 17119614. doi:10.1093/jis/5.1.32. Arquivado dende o orixinal o 2013-12-02. Consultado o 2016-11-11.
- ↑ Daborn, P. J.; Waterfield, N.; Silva, C. P.; Au, C. P. Y.; Sharma, S.; Ffrench-Constant, R. H. (2002). "A single Photorhabdus gene, makes caterpillars floppy (mcf), allows Escherichia coli to persist within and kill insects". Proceedings of the National Academy of Sciences 99 (16): 10742–10747. PMC 125031. PMID 12136122. doi:10.1073/pnas.102068099.
- ↑ Hu, K; Webster, JM (2000). "Antibiotic production in relation to bacterial growth and nematode development in Photorhabdus--Heterorhabditis infected Galleria mellonella larvae". FEMS Microbiology Letters 189 (2): 219–23. PMID 10930742. doi:10.1111/j.1574-6968.2000.tb09234.x.
- ↑ Durham, Sharon (2001-05-29). "Students May Have Answer for Faster-Healing Civil War Wounds that Glowed". Agricultural Research Service.
- ↑ Kwok, Roberta (21 de xaneiro de 2012). "New Scientist - 21 de xaneiro de 2012 -Driller Killer". New Scientist.
- ↑ Soniak, Matt (2012-04-05). "Why Some Civil War Soldiers Glowed in the Dark". Mental Floss. Arquivado dende o orixinal o 2012-10-14.
- ↑ "Photorhabdus luminescens: The Angel's Glow". The Naked Scientists. 25 de febreiro de 2011. Consultado o 2 de maio de 2022.
- ↑ "Angel's Glow: From Civil War Folklore To Winning Science Fair Project". WBUR. 21 de agosto de 2020. Consultado o 2 de maio de 2022.
- ↑ Rosado CJ, Buckle AM, Law RH, et al. (2007). "A Common Fold Mediates Vertebrate Defense and Bacterial Attack". Science 317 (5844): 1548–51. PMID 17717151. doi:10.1126/science.1144706.
- ↑ Tobias NJ, Heinrich AK, Eresmann H, Wright PR, Neubacher N, Backofen R, Bode HB (2016). "Photorhabdus-nematode symbiosis is dependent on hfq-mediated regulation of secondary metabolites". Environmental Microbiology 19 (1): 119–129. PMID 27555343. doi:10.1111/1462-2920.13502.
Véxase tamén editar
Outros artigos editar
- Pseudomonas protegens, outra bacteria patóxena de insectos
Ligazóns externas editar
- NCBI genome project Photorhabdus luminescens subsp. laumondii TTO1 project no Instituto Pasteur
- MicrobeWiki Arquivado 23 de agosto de 2019 en Wayback Machine. - Photorhabdus luminescens en Kenyon College's Microbe Wiki
- Type strain of Photorhabdus luminescens at BacDive - the Bacterial Diversity Metadatabase