Phil Spector

Produtor e compositor estadounidense

Phillip Harvey "Phil" Spector, nado como Harvey Phillip Spector o 26 de decembro de 1939 no Bronx en Nova York[1] e finado o 16 de xaneiro de 2021,[2] foi un produtor e compositor estadounidense.

Phil Spector
Phil Spector 2000.jpg
Nome completoHarvey Phillip Spector
Nacemento26 de decembro de 1939 (80 anos)
OrixeNova York Flag of the United States.svg
Falecemento16 de xaneiro de 2021
 Stockton, California
CausaCOVID-19
Ocupaciónprodución musical, compositor, músico, compositor de cancións e guitarrista
Instrumento(s)guitarra, piano
Tempo en activo1958 - 2009
editar datos en Wikidata ]

Creador da técnica de produción "Wall of Sound" (en galego, "muro de son") Spector foi o pioneiro no son dos grupos de rapazas dos anos 60 e produciu ao redor de 25 éxitos top 40 entre 1960 e 1965. Algúns dos seus grupos femininos máis famosos son The Ronettes e The Crystals. Despois do seu éxito inicial, Spector traballou con artistas como Ike and Tina Turner, John Lennon, George Harrison e Ramones con semellante aclamación. Produciu o álbum dos Beatles Let It Be, e o directo de George Harrison The Concert for Bangladesh. En 1989 Spector entrou no Rock and Roll Hall of Fame. A canción de 1965 "You've Lost That Lovin' Feelin'", producida e co-composta por Spector para The Righteous Brothers, está listada pola organización BMI como o tema máis emitido pola radio estadounidense no século XX. O derradeiro gran disco producido por el foi The End of Century de Ramones en 1979.[1]

No ano 2009 Spector foi declarado culpable de asasinato en segundo grao pola morte a tiros no 2003 da actriz Lana Clarkson na súa casa de Alhambra (California). Foi condenado a botar 19 anos no cárcere, pero uns meses antes de saír apañou a COVID-19 na prisión e faleceu unhas semanas máis tarde.

NotasEditar

  1. 1,0 1,1 Gil, Pablo (17 de xaneiro de 2021). "Muere Phil Spector, productor gigante del pop, personaje siniestro". elmundo.es (en castelán). Consultado o 19 de xaneiro de 2021. 
  2. "“Phil Spector morreu” : o produtor vítima de boatos de morte". Mediamass. Consultado o 16 de xaneiro de 2021.