Phaeothamniophyceae
| Phaeothamniophyceae | |||||||||||
|---|---|---|---|---|---|---|---|---|---|---|---|
| Clasificación científica | |||||||||||
| |||||||||||
| Order | |||||||||||
| Sinonimia | |||||||||||
| |||||||||||
Phaeothamniophyceae é unha clase de algas douradas-amarronadas dos heterocontófitos.[1][2][3]
Estes protistas aparecen como cocoides, capsoides, formando pseudofilamentos ou filamentos e son propios de augas doces ou salobre.[4]
A súa parece celular adoita ser laminada e con vesículas densas en electróns pegadas a ela desde o interior. Teñen mitocondrias con cristas tubulares e cloroplastos con, ás veces, microcompartimentos chamados pirenoides. Cada célula ten dúas membranas de retículos endoplasmáticos de cloroplastos. Con iso, a membrana do cloroplasto é continua coa membrana exterior da membrana nucleolar. Os cloroplastos teñen lamelas estreitas. O DNA do cloroplasto aparece en forma de anel. Cada célula adoita ter entre 2 e 4 plastidios. Nas células con capacidade motil, uns flaxelos plumosos saen dos laterais e un flaxelo, liso pero con filamentos laterais, sae da parte apical. Almacenan, entre outros, lípidos en vacúolos contráctiles.[4]
Os pigmentos da fotosíntese que presentan son as clorofilas a e c, a fucoxantina, heteroxantina, diadinoxantina e o β-caroteno.[4]
Descoñécese se se reproducen de xeito sexual. A súa reprodución asexual consiste na división celular, na formación de autosporas non móbiles ou na formación de zoospora con dous flaxelos. Cando se dá a división celular prodúcese por eleuteroscise, isto é, a escisión da parede da célula parental tras unha separación. As zoosporas teñen flaxelos laterais, igualmente.[4]
Os Phaeothamniophyceae están preto das xantofítas e feófitos. Clasificáronse dentro da mesma clase ata o 1998.
Clasificación editar
- Clase Phaeothamniophyceae Andersen & Bailey 1998
- Orde Aurearenales Kai et al. 2008
- Familia Aurearenaceae Kai et al. 2008
- Xénero Aurearena Kai et al. 2008
- Familia Aurearenaceae Kai et al. 2008
- Orde Phaeothamniales Bourrelly 1954 emend. Andersen & Bailey 1998
- Familia Phaeosaccionaceae
- Xénero Phaeosaccion Farlow 1882
- Familia Phaeothamniaceae Hansgirg 1886 [Stichogloeaceae Lemmermann 1899; Chrysapiaceae]
- Xénero Apistonema Pascher 1925
- Xénero Chrysapion Pascher & Vlk 1943
- Xénero Chrysocapsopsis Thompson & Wujek 1998
- Xénero Chrysoclonium Pascher 1925
- Xénero Chrysodesmis Starmach 1970
- Xénero Chrysodictyon Ramanathan 1947
- Xénero Koinopodion Pascher 1943
- Xénero Nematochrysis Pascher 1925
- Xénero Phaeogloea Chodat 1922
- Xénero Phaeoschizochlamys Lemmermann 1898
- Xénero Phaeothamnion Lagerheim 1884
- Xénero Podochrysis Magne 1975
- Xénero Selenophaea Chodat 1922
- Xénero Sphaeridiothrix Pascher & Vlk 1943
- Xénero Stichogloea Chodat 1897
- Xénero Tetrachrysis Dop 1980
- Familia Phaeosaccionaceae
- Orde Aurearenales Kai et al. 2008
Notas editar
- ↑ Ruggiero; et al. (2015). "Higher Level Classification of All Living Organisms". PLoS ONE 10 (4): e0119248. PMC 4418965. PMID 25923521. doi:10.1371/journal.pone.0119248.
- ↑ Silar, Philippe (2016). "Protistes Eucaryotes: Origine, Evolution et Biologie des Microbes Eucaryotes". HAL archives-ouvertes: 1–462.
- ↑ Cavalier-Smith, Thomas; Scoble, Josephine Margaret (2013). "Phylogeny of Heterokonta: Incisomonas marina, a uniciliate gliding opalozoan related to Solenicola (Nanomonadea), and evidence that Actinophryida evolved from raphidophytes". European Journal of Protistology 49: 328–353. doi:10.1016/j.ejop.2012.09.002.
- ↑ 4,0 4,1 4,2 4,3 Robert Edward Lee. 2008. Phycology. Fourth edition. Cambridge University Press. isbn: 9780521682770.