Pepe Garalva
José García Vázquez, coñecido como Pepe Garalva, nado en Lugo en 1929 e finado na mesma cidade o 21 de outubro de 2015,[1] foi un técnico de publicidade e promotor dos certames de mises femininas en Galicia.
| Biografía | |
|---|---|
| Nacemento | 1929  Lugo, España |
| Morte | 21 de outubro de 2015 (85/86 anos) Lugo, España |
| Datos persoais | |
| País de nacionalidade | España |
| Actividade | |
| Ocupación | publicista |
Traxectoria editar
Estudou no colexio de Lomas e nos Maristas ata os 17 anos. Foi futbolista. Traballou na construtora Entrecanales y Távora de Vitoria. Retornou a Lugo e ingresou nas oficinas de Ramón Jato y Hermano. Comezou organizando veladas de boxeo e concursos de cantantes noveles como Fiesta en el Aire ou Desfile de Estrellas para dedicarse finalmente á organización de festivais e concursos de beleza feminina. Durante máis de corenta anos asumiu a organización dos festivais de mises en toda Galicia, realizando máis de 240 desfiles. A axencia Garalva, que tiña por lema “Déjenos pensar por usted”, promoveu a revista Competición, que se repartía nos bares cos resultados das competicións deportivas do domingo, a revista quincenal La Muralla e El Mirador Lucense.
Vida persoal editar
Casou con Berta Abelairas e tivo tres fillas.
Notas editar
- ↑ "Fallece Pepe Garalva, promotor de desfiles y exfutbolista", La Voz de Galicia, 22-10-2015, p. 15.
Véxase tamén editar
Bibliografía editar
- Barrera, F., ed. (2002). Gallegos. Quién es quien en la Galicia del siglo XXI. El Correo Gallego. ISBN 84-8064-113-4.
Ligazóns externas editar
- «Viví de las 'misses' y ellas de mí», entrevista en La Voz de Galicia.