Península de Taimir
A península de Taimir (en ruso: Полуостров Таймыр, Таймырский полуостров) é unha península de Rusia, situada na zona de Siberia, que forma a parte máis setentrional do continente asiático. Está delimitada polas augas do golfo do Ienisei ao oeste, as do mar de Kara ao norte e as do golfo de Jatanga do mar de Laptev, ao leste; polo sur, o seu límite continental está formado polo curso do río Jatanga.
Administrativamente, toda a península pertence ao Krai de Krasnoyarsk da Federación de Rusia.
Na península discorren algúns ríos importantes que desaugan directamente ao mar de Kara, como o río Taimir ou o río Piassina.
Poboación editar
A situación illada do pobo nganasan permitiulles manter as prácticas xamánicas ata o século XX.[1]
Economía editar
A compañía MMC Norilsk Nickel leva a cabo operacións mineiras na zona, cunha fundición na cidade de Norilsk, preto da península. O concentrado de mineral de níquel e outros produtos da compañía son transportados nun curto ferrocarril á cidade portuaria de Dudinka, na beira do río Ienisei, e dende alí por barco cara a Murmansk e outros portos.
Fauna e flora editar
No norte de Siberia, a fauna e a flora teñen só un período de dous meses ao ano para garantir a súa reprodución. Cada verán, o sol de medianoite xunta multitudes de especies. Os renos emigran e reúnense con milleiros de osos polares e focas. Á súa vez, aves de Europa, África e Asia van a Taimir, a maior concentración de aves salvaxes do mundo.
Esta zona é unha ecorrexión da ecozona paleártica da World Wide Fund for Nature, a «Tundra de Siberia Central e península de Taimir».
A península é o último lugar natural coñecido onde habitou o boi almiscreiro fóra de América do Norte, desaparecido dous mil anos antes.[2] Foron introducidos con éxito en 1975.[3] A poboación creceu ata 2500 animais en 2002, incrementándose a 6500 en 2010.[4]
Galería de imaxes editar
-
Boi almiscreiro, reintroducido en Siberia en 1975 -
Paisaxe típica da península, tundra con numerosos lagos pequenos -
Expedición á península de Taimir en dous barcos e esvaradores Hivus, 10 de abril de 2013
Notas editar
- ↑ Hoppál 2005.
- ↑ BioMed Central (6 de outubro de 2005). "Muskox Suffered Loss Of Genetic Diversity At Pleistocene/Holocene Transition" – vía Science Daily.
- ↑ "Greenland Muskox". Bovids. Safari Club International. Arquivado dende o orixinal o 27 de setembro de 2007. Consultado o 10 de abril de 2020.
- ↑ Dr. Taras Sipko. "Reintroduction of Musk Ox in the Northern Russia". Large Herbivore Network. Arquivado dende o orixinal o 05 de setembro de 2015. Consultado o 10 de abril de 2020.
Véxase tamén editar
Wikimedia Commons ten máis contidos multimedia na categoría: Península de Taimir  |
Bibliografía editar
- Hoppál, Mihály (2005). Sámánok Eurázsiában. (en Hungarian). Budapest: Akadémiai Kiadó. ISBN 9630582953.