Pelham Humfrey
Pelham Humfrey (variantes do nome: Humphrey e Humphrys), nado en Londres en 1647 e finado en Windsor, Inglaterra, o 14 de xullo de 1674, foi un compositor inglés do Barroco. Foi o primeiro da nova xeración de compositores ingleses marcada polo inicio da Restauración en coller relevancia.[1]
| Biografía | |
|---|---|
| Nacemento | 1647  Londres |
| Morte | 14 de xullo de 1674 (26/27 anos) Windsor (pt)  |
| Datos persoais | |
| País de nacionalidade | Reino Unido de Gran Bretaña e Irlanda |
| Actividade | |
| Ocupación | compositor |
| Movemento | Música barroca |
| Profesores | Jean-Baptiste Lully |
| Alumnos | Henry Purcell |
     | |
.jpg)
Aos seus dezasete anos, Humfrey xa era moi coñecido polos seus himnos, e o rei enviouno a estudar a París, probabelmente en xaneiro de 1665, onde colleu moitas influencias da música da corte francesa. Nos alicerces da música que escribiu ao seu regreso, tamén demostrou ter asimilado o estilo vocal máis expresivo de Giacomo Carissimi. Máis tarde, sucedeu a Henry Cooke (o seu sogro) no cargo de mestre do coro da Capela Real e tamén se converteu en compositor da corte.
No xornal de Samuel Pepys fanse comentarios críticos acerca do xeito de vestir e mesmo do comportamento en xeral de Humfrey[2].
Malia morrer moi novo, aos 27 anos, Humfrey Morreu exerceu, xunto con Matthew Locke, unha forte influencia sobre os seus compañeiros, entre os que estaban William Turner, Henry Purcell e John Blow. A súa morte tan temperá considérase como unha das traxedias máis grandes na historia de música inglesa. Á súa morte xa producira varios traballos de grande intensidade e o poder expresivo, como é o caso do himno O Lord my God ("Oh, señor, meu Deus")[3].
Notas editar
- ↑ Cummings, Robert. Biografía de Pelham Humfrey. En www.allmusic.com
- ↑ Diario de Samuel Pepys. 15 de novembro de 1667.
- ↑ Catálogo das composicións de Pelham Humfrey. En www.allmusic.com
Véxase tamén editar
| A Galipedia ten un portal sobre: Música clásica |
Bibliografía editar
- Dennison, Peter. Pelham Humfrey. Oxford: Oxford University Press, 1986.
- Scholes. Percy (1970). Ward, John Owen, ed. The Oxford Companion to Music.Oxford University Press.
- Madeira, Bruce. "Humfrey, Pelham", Grove Music Online. Ed. L. Macy, grovemusic.comArquivado 16 de maio de 2008 en Wayback Machine..
Ligazóns externas editar
- Partituras de Pelham Humfrey na Biblioteca Coral de Dominio Público.
- "Humfrey, Pelham". Dictionary of National Biography. Smith, Elderr & Co. Londres. 1885–1900.
- composers-classical-music.com