Pazo de Reboreda (Redondela)

Para outras páxinas con títulos homónimos véxase: Pazo de Reboreda.

O Pazo de Reboreda é unha casa do lugar de Quintana, anexa á igrexa de Santa María de Reboreda, no concello pontevedrés de Redondela.

Pazo de Reboreda (Redondela)
Concello	Redondela
Provincia	Pontevedra
Comunidade	Galicia
Coordenadas	42°17′01″N 8°35′39″O
Estilo arquitectónico
Estado actual	En bo estado
Véxase tamén
Pazos de Galicia
[ editar datos en Wikidata ]

Descrición

Placa na casa.

Foi fundado a finais do século XVII por García Prego de Montaos. Os Prego de Montaos emparentaron cos Troncoso de Lira e cos vascos Mondragón, que fixeron a capela, despois igrexa parroquial.

Moi modificado, o seu estado de conservación é bo. Está comunicado coa igrexa por unha pasaxe elevada. Feito con perpiaño e cachotería, con cuberta a dúas augas, ten un portalón ameado cara ao oeste, un hórreo na leira, e dous escudos na fachada leste, amais do escudo da ábsida da igrexa.

Pertenceu a Ignacio Manuel Pereira, caudillo de milicianos que participou na Batalla de Ponte Sampaio da Guerra da Independencia española. Na casa naceu Xoán Manuel Pereira de Castro, seu fillo, protagonista da novela O señorito da Reboraina de Ramón Otero Pedrayo.

Galería de imaxes

• 
  Armas dos Araujo y Puga.
• 
  Armas dos Prego de Montaos, Sotomayor e Troncoso de Lira.

Véxase tamén

Bibliografía

• Juan Manuel López-Chávez Meléndez e Grato Enrique Amor Moreno: Inventario Pazos y Torres de la provincia de Pontevedra (tomo I), p. 188. Deputación de Pontevedra, 1988. ISBN 84-86845-09-2.

Outros artigos

• Pazo de Torrecedeira

Ligazóns externas

• Pazo de Reboreda na páxina web colaborativa Patrimonio Galego.