Patti Smith

Patti Smith
	; (2022, Berlín)
Biografía
Nacemento	(en) Patricia Lee ; 30 de decembro de 1946 (77 anos); Chicago, Estados Unidos de América
Datos persoais
Residencia	Nova York (1967–)
País de nacionalidade	Estados Unidos de América
Relixión	Cristianismo
Educación	Rowan University (pt) ; Deptford Township High School (en)
Altura	1,73 m
Actividade
Campo de traballo	Letra (pt) , Composición musical, poesía, artes escénicas, canto, música rock e Escrita creativa e profesional
Lugar de traballo	Detroit
Ocupación	cantautora , debuxante , música , fotógrafa , artista discográfico , artista de performance , Cantante de rock , compositora , guitarrista , poeta , cantante , artista visual , escritora , Activista polos dereitos humanos , música de rock
Período de actividade	1967 - 2013
Membro de	Patti Smith Group (front woman (en) , líder de banda)
Xénero artístico	Música rock, Protopunk, post-punk e Art rock
Lingua	Lingua inglesa
Tesitura	Contralto ; ;
Instrumento	Guitarra, Clarinete e voz
Selo discográfico	Arista (1975–2002); Columbia Records (2002–)
Familia
Cónxuxe	Fred Smith (pt)
Fillos	Jackson Smith, Jesse Smith
	Premios (22 de maio de 2022) Cabaleiro da Lexión de Honra; (28 de novembro de 2019) doutor honoris causa pola Universidade de Padua; (2019) Medalla de Ouro ao Mérito nas Belas Artes; (3 de maio de 2017) honorary doctorate from the University of Parma (en) ; (2011) Polar Music Prize (pt) ; (2010) National Book Award for Nonfiction (en) ; (2010) Premio Nacional do Libro; (2007) Salón da Fama do Rock; (2005) Comendador das Artes e as Letras ;
	Sinatura
Páxina web	pattismith.net

Patricia Lee Smith, nada en Chicago (Illinois) o 30 de decembro de 1946, é unha cantautora e poeta estadounidense, máis coñecida como Patti Smith.

Traxectoria editar

Definida como a madriña do punk, Patti Smith inventou unha nova definición do feminino: nas súas cancións, na súa poesía, proxectouse como lesbiana, andróxina, home, mártir, Deus-Muller.

En 1955, o mesmo ano no que nacía o rock and roll, a cantautora trasladouse a Nova Jersey. Súa nai era testemuña de Xehová, e seu pai ateo, un feito que a marcou profundamente, dándolle unha dobre visión de Deus, unha visión que percorre todo o seu traballo. Apaixonada pola vida e pola obra de Arthur Rimbaud e Jean Genet, en 1967 mudou a Nova York, onde coñeceu o pintor Robert Mapplethorpe, con quen viviu durante un tempo. Anos máis tarde, a cantautora trasladouse a París coa súa irmá, onde traballou nas rúas como performance artist. Durante os anos setenta foi abrindo camiño no mundo do teatro e da poesía underground mentres lles abría o pano a bandas como The New York Dolls, escribía cancións para Blue Oyester Cult, ou publicaba os seus primeiros poemas nun festival en honor a Rimbaud.

En 1975 e coa colaboración de John Cale, Patti Smith gravou o seu primeiro disco, Horses, un disco cuxa portada a constituía unha foto feita por Mapplethorpe, na que Smith non era nin home nin muller. Un ano despois aparecía o seu segundo traballo, Radio Ethiopia, no que mesturaba a linguaxe relixiosa co rock and roll e no que Genet era a súa máxima inspiración. Máis tarde virían Easter (1978) e Wave (1979).

Ata 1996 Smith estivo recluída en Detroit. Casada con Fred “Sonic” Smith, con quen tivo dous fillos, a cantautora decidiu editar en 1988 un disco dunha soa tirada, Dream of Live, ao que seguirían Gone Again en 1996, editado logo da morte do seu home; Peace and Noise en 1997; Gung Ho no 2000; Trampin' no 2004; e Twelve no 2007.

Discografía editar

Álbums editar

Álbum	Ano	Selo
Horses	1975	Arista Records
Radio Ethiopia	1976	Arista Records
Easter	1978	Arista Records
Wave	1979	Arista Records
Dream of Life	1988	Arista Records
Gone Again	1996	Arista Records
Peace and Noise	1997	Arista Records
Gung Ho	2000	Arista Records
Trampin'	2004	Columbia Records
Twelve	2007	Columbia Records
Banga	2012	Columbia Records

Recompilatorios editar

The Patti Smith Masters (1996).
Land (1975-2002) (2002).

Obra editar

Seventh Heaven (1972). Poesía.
Witt (1973). Poesía.
Woolgathering (1992). Poesía.
Babel. Poesía. Ed. Anagrama, 1996.
The Coral Sea (1996). Poesía.
Strange Messenger, exposición de arte publicada como libro no 2003.
Auguries of Innocence (2005). Poesía.

Filmografía editar

Patti Smith. Dream of life [1]. Documental sobre a artista dirixido por Steven Sebring, quen filmou a artista durante once anos, desde 1996 a 2007.