Partido Regionalista Extremeño
O Partido Regionalista Extremeño (PREx) é un partido político rexionalista de Estremadura (España), fundado e dirixido por Estanislao Martín Martín. É un dos compoñentes da federación de partidos Coalición Extremeña. O Partido Regionalista Extremeño foi inscrito no rexistro de partidos políticos do Ministerio de Interior en xaneiro de 1990.
| Partido Regionalista Extremeño | |
|---|---|
| Tipo | partido político |
| Data de fundación | 1990 |
| Data de disolución | 1996 |
| País | España |
| [ editar datos en Wikidata ] | |
Nas eleccións autonómicas do ano seguinte obtivo 8.643 votos (1,50%), que non lle permitiron obter representación. Nas eleccións á Asemblea de Estremadura de 1995 uníronse a Convergencia Regionalista de Extremadura (CREx) e Extremadura Unida para formar unha coalición electoral, Coalición Extremeña, que obtivo o 3,86% e un escano. Extremadura Unida abandonou posteriormente a coalición, mais PREx e CREx mantiveron a súa alianza. En 2003, Coalición Extremeña pasou a definirse como unha federación de partidos, unificándose nunha única estrutura os dous partidos que a componen.[1]
Notas
editar- ↑ "Estanislao Martín es elegido coordinador general de la nueva Coalición Extremeña". Arquivado dende o orixinal o 15 de xullo de 2009. Consultado o 22 de febreiro de 2012.