Partido Comunista do Pobo Galego

partido político galego

O Partido Comunista do Pobo Galego (PCPG) é un partido político galego.

Partido Comunista do Pobo Galego
Partido político de Galiza
Dirixentes e organización
LíderXosé Collazo Castro
Historia
Fundación1984
Posicións políticas
IdeoloxíaIndependentismo galego
Marxismo-leninismo
Outros datos
Páxina webpcdopg.com

HistoriaEditar

O Partido Comunista do Povo Galego foi creado en 1984, paralelamente ao proceso de unidade e recomposición comunista impulsado en todo o estado por distintos partidos comunistas e mais en Cataluña polo Partit dels Comunistes de Catalunya, en contra do eurocomunismo imperante na dirección do PCE e do PCG. Este proceso levou á fundación do Partido Comunista (PC), antecesor do que logo foi o PCPE.

Posteriormente rexistrouse en 1993 como Partido Comunista do Pobo Galego[1]. Aínda que participou en diversos comicios, os resultados sempre foron minoritarios. A súa última participación foi nas eleccións ao Senado en 2008, onde presentaron candidatura pola provincia de Ourense, e onde obtiveron 4.243, 3.428 e 3.413 votos os seus tres candidatos. En 2008[2] rompeu co PCPE, deixando de ser o seu referente en Galiza.

En 2011 e 2012 o PCPG participou no Foro pola Unidade Comunista Galega, un intento de unificar o independentismo comunista galego, xunto co maoísta Ateneu Proletário Galego e a organización leninista clásica Forxa[3]. Esta iniciativa non prosperou, e a partir de 2014 o PCPG comezou a acercarse cada vez máis ao Bloque Nacionalista Galego (BNG). Nas eleccións europeas dese ano o partido pediu o voto para a coalición Os Pobos Deciden, integrada polo propio BNG e os vascos Euskal Herria Bildu[4]. Nas eleccións locais de 2015 o PCPG volveu pedir o voto para o BNG e participou nalgunhas das súas candidaturas locais[5] Nas xerais do mesmo ano o partido formou parte da coalición Nós-Candidatura Galega, co BNG e outros pequenos partidos. O líder do PCPG, Xosé Collazo, foi candidato ao Senado de España pola Provincia de Pontevedra, candidatura que obtivo 31.375 votos (2,08% do total). A nivel local o partido tamén ten apoiado á candidatura Alternativa Canguesa de Esquerdas.

IdeoloxíaEditar

 
O martelo e a fouce. Símbolos representativos do Comunismo

É unha organización marxista-leninista partidaria da autodeterminación de Galicia.

ElecciónsEditar

Elección Votos % Deputados
Eleccións ao Parlamento de Galicia de 1989 989 0,07 0
Eleccións xerais de España de 2008 (Congreso)[a] 507 0,11 0

Eleccións ao senadoEditar

Ano Votos Porcentaxe Escollido/a?
2008 (María Hortensia Núñez Insua, en Ourense) 2.768 0,83 No
2008 (Emilio José López Blanco, en Ourense) 2,877 0,86 No
2008 (Begoña Ares Piñeiro, en Ourense) 3.467 1,04 No
2008 (Consuelo Ares Piñeiro, en Lugo) 272 0,08 No
2015 (Xosé Collazo Castro, en Pontevedra) 31.375 2,08 No

NotasEditar

NotasEditar

  1. Só concorreu nas provincias de Lugo e Ourense.

Véxase taménEditar

Ligazóns externasEditar