Partido Comunista de Galicia
O Partido Comunista de Galicia (PCG) constitúe a federación galega do Partido Comunista de España, forma parte de Esquerda Unida-Izquierda Unida e ten como única lingua oficial o galego, o seu himno é A Internacional e o seu órgano de expresión é A Voz do Pobo publicado desde agosto de 1969. As súas xuventudes organízanse na Xuventude Comunista.
| Partido Comunista de Galicia (PCG) | |
|---|---|
| Federación Galega do PCE | |
 | |
| Dirixentes e organización | |
| Líder | Eva Solla |
| Mocidades | Xuventude Comunista |
| Historia | |
| Fundación | 1968 |
| Posicións políticas | |
| Ideoloxía | Eurocomunismo Galeguismo Federalismo Republicanismo |
| Representación | |
| Parlamento de Galicia | 0 / 75 |
| Congreso dos deputados | 1 / 350 |
| Senado | 0 / 266 |
| Outros datos | |
| Sede | Rúa Dublín 8, baixo dereita, Santiago de Compostela |
| Publicación | A Voz do Pobo |
| Na rede | |
| pcgalicia.org | |
Historia e características Editar
O PCG constituíuse en 1968, o congreso constituínte celebrouse no exilio, en París. Xa o PCE fora o principal partido de oposición ao franquismo en Galicia e o PCG mantivo esa hexemonía, pero xa contestada polos partidos nacionalistas de esquerda e tamén por outros partidos de esquerdas escindidos do propio PCE. O seu primeiro secretario xeral foi Santiago Álvarez.
A actual secretaria xeral é Eva Solla, elixida no XIII Congreso do 4 de outubro de 2014 cun 95% dos votos dos delegados (a primeira muller na historia do PCG en desenvolver o cargo).
Secretarios xerais Editar
- Santiago Álvarez (1968–1979)
- Rafael Pillado (1979)
- Anxo Guerreiro (1979–1983)
- Julio Pérez de la Fuente (1983–1985)
- Anxo Guerreiro (1985–1995)
- Manuel Peña-Rey Bouzas (1995–2000)
- Carlos Dafonte (2000–2002)
- Carlos Portomeñe (2002–2014)
- Eva Solla (2014–presente)
Véxase tamén Editar
Ligazóns externas Editar
- Web oficial do PCGArquivado 24 de outubro de 2018 en Wayback Machine.
- Web oficial da Xuventude Comunista Arquivado 12 de maio de 2008 en Wayback Machine.