Paio (nome)

Para outras páxinas con títulos homónimos véxase: Paio.

Paio^[1]^[2] é un nome propio masculino galego. Paio foi un nome común en Galiza como o demostra a abundante toponimia asociada ao nome (Paio, O Paio), especialmente a San Paio (ou Sampaio), mártir galego nado en Crecente no século X. En total existen no país, corenta parroquias baixo a advocación do santo (Véxase: Parroquias de Galicia baixo a advocación de san Paio). Ademais existen moitos lugares co nome do Santo, e diversas igrexas e conventos, onde salienta o Convento de San Paio de Antealtares en Santiago de Compostela.

En xaneiro de 2023 existían 11 varóns en Galicia co nome Paio, cunha media de idade de 20,3 anos.^[3]

Etimoloxía

Chega ao galego proveniente do latín: Pelagius, e á súa vez do grego: Πελάγιος. O seu significado é "Aquel que ten vontade de escoller".^[4] O nome Paio é froito da síncope do nome latino. O nome Paio deu orixe aos apelidos galegos: Páez, Pais e Paz.^[2] Nos documentos galegos medievais aparecen as variantes arcaicas: Pai, Payo, Pae, Paay ou Pay.

Onomástica

26 de xuño, San Paio, mártir galego.

Variantes noutras linguas

Alemán: Pelagius
Castelán: Pelayo
Catalán: Pelai, Pellai
Éuscaro: Pelagio
Francés: Pélage
Galego: Paio, Pelaxio
Inglés: Pelagius
Italiano: Pelagio
Latín: Pelagius
Occitano: Pelagi
Polonés: Pelagiusz
Portugués: Paio, Pelágio^[5]

Personaxes

Galegos

Paio, ermitán galego descubridor do sepulcro do Apóstolo Santiago (século IX);
San Paio, mártir cristián galego (911 -925).
Paio Soares de Taveirós, trobador do século XIII.
Paio Gómez Chariño, poeta e nobre galego do século XIII.
Paio Gómez de Soutomaior, nobre galego que viviu nos séculos XIV e XV.

Outros

Pelaxio, monxe britano a quen se atribúe a doutrina do pelaxianismo (c. 360-435);
Paio I, papa da Igrexa Católica entre o 556 e o 561 (c. 500-561);
Paio II; papa da Igrexa Católica entre o 579 e o 590 (f. 590);
Paio de Asturias, caudillo lendario de Asturias (c. 718 - 737).

Notas

↑ "Ímoslle chamar..." (PDF). Xunta de Galicia. Arquivado dende o orixinal (PDF) o 04 de marzo de 2018. Consultado o 13 de xuño de 2017.
↑ ^2,0 ^2,1 Boullón Agrelo, A. I. (coord.) (2022). "Paio". Guía de nomes galegos. A Coruña: Real Academia Galega. <https://academia.gal/nomes>.
↑ Paio na web do Instituto Galego de Estatística.
↑ Significado do nome Paio
↑ Nome en portugués no Portal da Lingua Portuguesa

Véxase tamén

Outros artigos

[1] "Ímoslle chamar..." (PDF). Xunta de Galicia. Arquivado dende o orixinal (PDF) o 04 de marzo de 2018. Consultado o 13 de xuño de 2017.

[RAG-2] 2,0 ^2,1 Boullón Agrelo, A. I. (coord.) (2022). "Paio". Guía de nomes galegos. A Coruña: Real Academia Galega. <https://academia.gal/nomes>.

[ige-3] Paio na web do Instituto Galego de Estatística.

[4] Significado do nome Paio

[5] Nome en portugués no Portal da Lingua Portuguesa

[1]

[2]

[3]

[4]

[5]